Jirimaya 36:30 - DAWAN BÎLA AISKA

³⁰ Baha aitani, daukram nanara, yang, Dawan, Joaquim, man Juda kingka ra, mai wisni man kiamkam wina Debit iwaika ra iwbia apia. Man sin pruma bara kakna ra lata lapta ra prawi kama, tihmia ra lata kauhla ra prawi kama,

Jirimaya 36:30 ပူးပေါင်းရင်းမြစ်များ

Blasi Sturka 31:40

Kakna laptika ba yang aimaki kapri; tihmia ra sin kauhla ba yang aimaki kapri. Yapanki sut tiwi kan, sip yapan ai daukras wîni rausauhki kapri.

Smasmalkra 6:3

Upla kum handat luhpa briaia sip sa, bara mani ailal raya kabia, sakuna piua ailal iwbia kra, ai lilia tara briras kaka, bara sin bikras sa kabia kaka, yang wisni kau yamni sa, luhpa prui takan ba, baha uplika ba wal.

Jirimaya 22:30

Dawan aisisa: “Man nani naha waitnika na ulbi swis waitna kum luhpias kan baku, upla kum ai rayaka ra diara daukras kan baku. Kan ai kiamka nani kumi sin Debit kiamka iwaika ra iwbia apia Juda ra kli king aimaki kaia.”

Jirimaya 52:2

Sakuna witin ai daukanka nani Dawan nakra ra yamni apia kan, Joaquim daukan ba baku dauki kan.

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.