Jirimaya 36:24 - DAWAN BÎLA AISKA

²⁴ Sakuna king ba wihta nani ba kumi sin baha angki ba dukiara sibrin daukras, sari takaia tukinka sin marikras kan.

Jirimaya 36:24 ပူးပေါင်းရင်းမြစ်များ

Blasi Sturka 37:29

Ruben ba bâra âpu kan. Baha ningkara witin balan, bara Josep kaikaia liwanhta ba ra wan, sakuna witin liwanhta ra âpu kan. Bara Ruben sari pali taki, iwi ai prâka kalkan.

Blasi Sturka 37:34

Bara Jekob ai prâka kalkan, kwala siksa diman, bara piua wihka ai luhpia pruan ba sarka brih iwi kan.

2 Samuil 1:11

Bamna Debit bara ai uplika nani sut, ai prâka kalkan ai kupi wirha diman ba tânka,

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

Job 15:4

Sakuna man lika Gâd ra mayunaia lâka ba âpu daukisma, diara kasak daukaia kan sin sauhki tikisma.

Lawana Nani 36:1

Watawi lâka ba mita watawikira kupia lukanka pali kat dimi aisisa, witin ai lukanka ra, Dawan ra sibrin lukaia tânka âpu pali sa.

Lawana Nani 36:2

Witin lukisa ai mayunra tara briaia ba aitani sa. Ai watawika lâka ba misbara kaikaia ba sip kaikras sa.

Lawana Nani 64:5

Witin nani ai tila kat sin saura daukaia lukisa; witin nani mini alkaia wisi, yukuwan ra daukisa bara sin lukisa, upla sip witin nani ra kaikras.

Impakan Sturka 7:23

King fero kli ai watla ra tawi wan, diara nani taki ba dukiara diara lukras pali aihwa.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 36:22

Bara Eliaquim, Hilquías luhpia watla ra diara nani pura kakaira ba, Sebná sturi âiulbra ba, bara Joah, Asaf luhpia ba king wauhkataya âiulbra ba, Ezequías ra balan, ai prâka nani ba kalkan, bara Asiria wihtka tara dîa aisin ba sut win.

Aiseya 37:1

Naha sturka ba, king Ezequías walan ba ra ai prâka ba kalkan, ningkara prâk almuk diman sari prâka bara Dawan watla ra dimi wan.

Jirimaya 36:16

witin nani baha walan ba ra, sibrin taki banhwan bara ai walka ra witin nani pana aisin bara win: —Naha sturka na yang nani king ra wiaia sna.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jona 3:6

Bara Ninibi kingka sturi ba walan, witin ai iwaika ba wina bûi si ai kwalka painkira ba daikan bara witin sin kwala siksa dimi tasba kat iwan.

Matiu 12:41

Ninibi tawanka ra iwan uplika nani ba lâ daukaia yua ra, naha piua uplika nani lâka daukbia ba ra, witin nani mita naha uplika nani ra pât ra lakbia, kan Jona mita Gâd sturka Ninibi uplika nani ra smalkan bamna, witin nani ai kupia lakan; sakuna man nani ra mai wisna, nahara diara kum sa Jona purkara kau tara ba.

Roman 3:18

Piu kumi sin lukras banhwisa Gâd ra sibrinka briaia ba.”