Jirimaya 34:22 - DAWAN BÎLA AISKA

²² Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 34:22 ပူးပေါင်းရင်းမြစ်များ

2 Samuil 16:11

Ba ningkara, witin Abisai ra bara wihta tara nani ra sin tawi, aisi, win: —Yang luhpi pali rayaki ba tikaia plikisa, bara Benjamín taika kum ba, ¡kau nahki prais saura lukisa lukisma! Swis witin nani saura ai wibia, Dawan bui witin ra adar yan kaia sa baku daukaia.

2 King Nani 25:6

Bara Caldea uplika nani mita king ba alki Babilon kingka ra brih balan Riblá kat, baha ba Hamat tasbaya ra. Bahara Nabucodonosor mita Sedequías ba pât ra lakan.

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Aiseya 13:3

Upliki karnakira nani ra adar yâri, baku sin tahpluki nani ra adar yabri, yang pura luisna ba, witin nani lilia bri nani ra, yang klala blikisna ba alki brih daukbia.”

Aiseya 24:12

Tawan tara ba bîla man swin, sauhki tikanka ba wal getka ba batakan.

Aiseya 37:26

¿Man aima kumi sin walras kapram ki, yang, Dawan mita naha dukia nani sut daukri kan ba? Patitara yua nani ba wina pat daukaia luki kapri bara nanara yang mita baha ba daukri sa; baha mita sika man bui tawan karnakira pali kutbanka tara nani daukan ba sin, sauhki âpu daukisma.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Aiseya 64:10

Man tawankam holikira nani ba, upla iwras tasbaya daukan sa, Jerusalem ba sauhkan bîla baman swin sa.

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 32:29

Baha Caldea uplika nani latara bâra ba tawan ra dimbia bara pauta ni tawan ba angkbia; utla nani utla bahna ra mâkan nani ba sin angkbia yang ra kupi baikbia, witin nani Baal ra, kakaira apia gâdka nani ra sakripais kîa pain nani angki, wain yabi dauki kan.

Jirimaya 33:10

Dawan aisisa: “Man nani wisma baha pliska ba upla iwras tasbaya takan, bahara upla âpu daiwan nani âpu; Jerusalem tawan yabalka ba Juda tawanka yabalka ba bîla baman sa; bahara diara âpu, daiwan sin âpu. Baha pliska ra sika witin nani kli balbia bara walbia,

Jirimaya 34:2

“Yang, Dawan, Israel Gâdka, adar maikisni man Sedequías Juda kingka ra waia bara wiaia: ‘Dawan naku aisisa: Yang daukaisna Babilon kingka bal tawankam ba brih pauta ni angkbia.

Jirimaya 38:23

Jirimaya kau ban king ra aisi kan: —Mairin nani ba sut, king luhpia waitna nani ba sut Caldea uplika nani mihta ra aimakbia, king baha nani mihta wina swak takbia apia, Babilon kingka mihta ra mangkan kabia, bara tawan ba angkan kabia.

Jirimaya 39:8

Bara Caldea uplika nani ba mita king watla ba angkan, tawan ra utla nani ba sin, Jerusalem kutbanka ba sin slingban.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 50:13

Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Jirimaya 52:13

tempel ba angkan, king watla ba bara tawan ra utla nani ba, baku sin upla tara nani watla sin angkan,

Jirimaya 52:7

Caldea uplika nani tawan ba kutbi bri kan, sakuna witin nani tawan kutbanka walpaya bâk unta kum daukan, bara king, suldiar nani ba aikuki tihmia ra bahak taki wan. Bara king giadinka yabalka bâk wan tawan kutbanka wâl ba lilak get bâk lui, Jordan ra waia ilka bîla yabalka ba ra aimakan.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Miqueas 7:13

Bara baha tasbaya nani ba lika sauhki tikan, upla iwras tasbaya baku takbia, upla nani bahara iwi kan ba saura daukan ba tâka mita.

Sakaraya 1:12

Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Matiu 22:7

Bara king ba kasak pali ai kupia baikan, bamna ai suldiar nani blikan baha upla âikra nani ba iki tikaia, bara ai tawanka ba sin angkka luaia.