Jirimaya 34:20 - DAWAN BÎLA AISKA

²⁰ Baha mita yang daukamna prura kat ai waihla kaia ba mihta ra kauhbia, bara wîna ba daiwan tnawira daiwan wail nani wîna papira nani ba pata takbia.

Jirimaya 34:20 ပူးပေါင်းရင်းမြစ်များ

1 King Nani 14:11

Jeroboam uplika nani tawan ra prubia ba yul nani bui pin kabia. Twi ra prubia ba lika, daiwan tnawira nani pâli tauki ba bui pibia, kan Dawan bui baku aisin sa.’

1 King Nani 16:4

Man tamya kum tawanka bîla ba ra prubia kaka, wîna tara ba yul pibia; unta ra prubia ba, tnawira yakal nani mita pibia.”

Lawana Nani 79:2

¡Nampakan kasakkira nani pruan wîna tara ba, baha kat swi banhwan sa, usus nani bara daiwan wail nani pibia dukiara!

Jirimaya 11:21

Anatot uplika nani yang ai ikaia luki kan, witin nani ai win Dawan dahra aisamna apia, aisi ban kamna kaka ai ikaia ai win,

Jirimaya 12:9

Yang upliki nani ba tnawira taya painkira kum baku sa, tnawira wala nani ba bal alkaia want sa. ¡Daiwan wail nani, man nani bal; aidrubi bal pata tara daukaia!

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 19:7

Juda Jerusalem wal diara nani daukaia luki kaikan ba, yang naha tasbaya ra baha yuya sirpi daukamna. Yang daukamna ai waihla nani upla âikra nani ba mita bal iki pura luaia, bara wîna nani ba tnawira wîna papira nani ba daiwan wail nani pata takbia.

Jirimaya 21:7

Baha ningkara Sedequías, Juda kingka ba Nabucodonosor mihta ra mangkamna, ai waihla upla âikra nani ba mihta ra, wihtka tara nani ba daknika nani ba sin mihta ra mangkamna, war lubia bara siknis saura ba sanglang ba sut lubia ningkara kau pruras raya uplika nani ba. Baha yang daukamna, kuna pruras swakwan nani ba sin sord ni ikaia kupia pihni lâka âpu umpira kaikan lâka luha ikbia. Yang, Dawan, kasak aisisna.

Jirimaya 22:25

waihlam upla âikra nani ba mihta ra mai mangkaia, man baha nani sîa pali mai dauki ba, Nabucodonosor Babilon kingka, Caldea uplika nani ba mihta ra aimakma.

Jirimaya 38:16

Sakuna king Sedequías yukuwan ra Jirimaya ra swer taki aisin: —Dawan ra luki yang bui man ra swer takisna, witin yawan ra wan rayaka wankisa, mai ikaia mai blikamna apia, baha nani mai ikaia luki ba mihta ra sin mai mangkamna apia.

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

Jirimaya 44:30

Idsip kingka fero Hofra, witin ra ikaia ai waihla nani aula ba mihta ra mangkamna, Sedequías Juda kingka, Nabucodonosor Babilon kingka, ai waihla ikaia balan mihta ra mangkri ba baku.’

Jirimaya 49:37

Yang daukaisna Elam uplika nani ba witin nani ra ikaia aula ba mapara tatatwi kaia, witin nani ra sauhki tikaia blikamna, witin nani ra war blikamna bara sauhki âpu daukamni. Yang, Dawan, kasak aisisna.

Jirimaya 7:33

Upla pruan wîna nani pi tnawira daiwra nani mita pibia, bara upla kumi sin âpu kabia daiwra nani ba munka plapbia.

Isikiel 23:28

“Naha yang, Dawan, mai wisni: Man nisan nani ra misbara kaikisma ba karnika mihta ra mai mangkamni, man mita sîa aikaban mai dauki ba.

Isikiel 29:5

Upla iwras tasbaya ra mai lulkamna, awalkam inskika sut aikuki; plis langni ra kauhi banhma, bara upla kum sin mai wahbia apia mai bikaia dukiara. Yabrika mai pibia daiwan wail kraskira nani, kasbrika pura ba wina piawira nani ba sin.

Isikiel 32:4

Tasba tani ra mai raskamni bara tasba ra mai bataki mai swimna. Yabamna kasbrika ra piawira nani sut ba man puramra buaia, bara wînam tara ba daiwan wail nani sut mita pibia.

Kli Smalkanka 28:26

Tnawira nani bara daiwan wail nani wînam tara pi kabia, upla sin main mai kaikbia apia.

1 Samuil 17:44

Ba purkara witin ra win: —¡Nâra bal, man wînam ba tnawira nani ra bara daiwan nani ra sin yarka pibia!

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;