Jirimaya 34:18 - DAWAN BÎLA AISKA

^18-19 Wihta nani Juda ra, Jerusalem ra, witin watla ra nani ra dukia dadaukra nani, prîs nani ba tawan uplika nani sin yang ra bal aisi lâ kum daukan: bîp wainhka kum iki lilak baiki yabal tnaya bani ra wîna ba swin, bara baha lilak wapi lui witin nani lâ daukan. Sakuna witin nani lâ daukan ba pramis takan ba naika sut krikan.

Jirimaya 34:18 ပူးပေါင်းရင်းမြစ်များ

Blasi Sturka 15:10

Ebram baha daiwra nani ba lilak klaki baiki bara kli wal asla praki, Dawan ra bri balan; sakuna daiwan tnawira nani ba lika baku daukras kan.

Blasi Sturka 15:8

Sakuna Ebram pana aisi, naku win: —Dawan Gâd, ¿yang diaura kaiki kasak daira walamna tasbaya na yang prapatiki aikuma ba?

Lawana Nani 50:1

Dawan ba gâd nani sut Gâdka, witin aisin; tasba ra iwi uplika nani sut ra paiwan lalma wina lui, muna tani kat.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Roman 2:8

sakuna lawan tara bara kupia baiwanka wal Gâd mita klala yabia, baha nani ai wîna kat baman luki ba, bara diara kasak ba bîla wali daukaia watlika ra diara saura ni dauki nani ba.

Kli Smalkanka 17:2

“Tawan nani Dawan Gâdkam maikaia ba tila wina, tawan kum ra waitna kum kra, mairin kra sturka walma, Gâd yamni kaikras ba dukia daukisa, lâka nani ba krikisa,

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.