Jirimaya 34:14 - DAWAN BÎLA AISKA

¹⁴ Ju atkan kum ai dawanka albika 6 mani takuya bara 7 mani alkaia manka ba pri swiaia sa. Sakuna damikam nani lâika ba kulkras bîli wali daukras kan.

Jirimaya 34:14 ပူးပေါင်းရင်းမြစ်များ

1 King Nani 21:25

Ahab baku upla wala âpu kata, Dawan nakra nani ra saura dauki kan ba, kan ai maya Jezabel bui maisa kapi kan baha saurka nani daukaia ba.

1 King Nani 9:22

Ban sakuna, Salaman bui Israel luhpia nani kumi ra sin yan alba baku wark takras kan, sakuna baha nani ba war waitnika nani kan, alba nani ba lalka nani kan, wagin nani lalka, apia kaka war araska âiulra nani kata.

2 Kronikas 28:10

Baku sin luki banhwisma Juda bara Jerusalem uplika nani ba albikam waitna bara albikam mairin nani briaia. Sakuna, ¿man nani pali sin Dawan Gâdkam mapara saura daukras ki?

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 58:6

Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 32:30

Blasi piua wina Israel luhpia nani bara Juda uplika nani ba yang saura kaikisna ba dauki kan; Israel luhpia nani aidul nani paski yang kupi sauhki ba takaskras ban sa. Yang, Dawan, kasak aisisna.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Isikiel 20:4

Kau yamni man lâka dauks. Man, upla luhpia, lâka dauki yabrika tânka bribia, diara yamni kaikaia apia dukia nani, aisika daukan ba.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Libait Lâka 25:10

Man nani baku dauki upla sut ra wima, naha liliaka tara na sika 50 mani alkan ba, sunu daukaia liliaka yua. Upla pâtka nani, traska ba sut swih tikaia manka. Israel tasbaya aiska ra alba nani ba pri sakaia tasbaya nani dakbi brin ba kli yabaia.

Emus 2:6

Dawan naku aisisa: “Israel luhpia nani ba saura ailal pali daukan, bamna yang bui witin nani ba klala yabras ban swimna apia; upla kasakkira nani pât luha ba ra, lalah mana atkan wisa; upla umpira nani ra lika, sûs maya kum mana atkisa.

Emus 8:6

¡Baku yawan umpira nani ba, kau rausauhki umpira lâka ra brih wabia, baha nani ai umpirka tâka mita, yawan ra ai wîna tara aiska alba kaia dukiara atkbia, ai traska nani aibapaia wisi, ban kra sûs kumi baman mana tras bri kabia sin! Plawar mâ aisawan nani ba sin witin nani ra atkbia.”

Roman 7:24

¡Uba umpira pali sna na! ¿Bamna ya pali sip kabia ki, naha wîni tara na mita prura pâtka tara ra ai brih auya ba wina dakbi ai sakaia?

Kli Smalkanka 15:1

“Tras nani maikaia ba, 7 mani alkbia taim swis tiwbia.

Kli Smalkanka 15:12

“Man uplikam Hibru nani, waitna bara mairin kra alba kaia man ra mai atkuya ba, mani kumi baman warkkam takbia; mani matlalkahbi pura kumi alkbia ba ra, pri swis mahka wabia.

Kli Smalkanka 15:9

Naha lukanka saura na kupiam ra bripara: ‘Mani 7 upla traska ban swih tikaia manka ba pat baila sa,’ bara man uplikam umpira bâra sa kaka, mamwan saura dauki diara kumi sin lin munras kama kaka, witin mampara winanka daukbia, Dawan ra sin, bara baha daukanka ba man ra saurka baku mai kulkbia.