Jirimaya 33:24 - DAWAN BÎLA AISKA

²⁴ “¿Upla nani aisi ba man walras sma ki Israel bara Juda wal kiamka nani ba yang pali mita bâk saki briri ba lulki swiri ba? ¡Baha mita yang upliki nani ba witin nani saura kaikisa, nisan kum ra kaiki baku kaikras!

Jirimaya 33:24 ပူးပေါင်းရင်းမြစ်များ

Lawana Nani 71:11

Witin nani wisa: “¡Bliki alki banhs, Gâd bui witin ba lulki swin, upla kumi sin swaki sâkbia apia!”

Lawana Nani 83:4

Witin nani lukisa bal sauhki wan tikaia, yawan ba nisan baku iwaia apia wisi, bara kli wan kupia kraukbia apia, Israel nina ra.

Lawana Nani 83:5

Witin nani lâ kum daukan, man mampara, uplika nani sut ba kumi baku taki:

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Aiseya 11:13

Tuman lâka ba, Efraín wina sauhki tikan kabia, Juda wailhka nani ba slingbi tikan kabia; Efraín mita Juda ra tumbia apia, Juda sin Efraín ra sarka paskbia apia.

Aiseya 7:17

“Dawan mita daukbia man puramra balaia, uplikam nani purara, bara aisikam watla purara sin, Efraín, Juda wina dakwi takan yua sâtka nani takan ba baku ba.” (Naha sika Asiria kingka dukiara aisisa.)

Jirimaya 3:7

Yang kupi ra luki kapri witin nani baku daukbia ba ningkara, kli tawi yang ra balbia; sakuna witin nani tawi balras. Muihnika mairin Juda, rugkira takan ba baha daukan ba kaiki kan;

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Jirimaya 31:36

“Yu kumi kra lâka nani yang daukri ba wina tnaya ra tawma kaka, baha yua ba Israel ba yang upliki nani win kabia apia. Yang, Dawan, kasak aisisna.

Jirimaya 31:37

Yua kum kra kasbrika pura ba kulkbia tasba nani tânka pliki kaiki ban natka sât sât ra, baha yua ba yang bui Israel ra bahki lâka ra kulkamni baha diara sut daukan ba. Yang, Dawan, kasak aisisna.”

Jirimaya 33:23

Dawan Jirimaya ra aisin, bara win:

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Jirimaya 51:5

Israel Juda wal maipara saura daukan kra sakuna, ai kuntrika saura lâka ni banhkan kra, yang, Dawan, karnika sut brisni, Israel Gâdka holikira, witin nani ba yang kau ban lulki swiras.

Inanka Nani 4:15

“¡Tnaya ra taws, tnaya ra taws —witin nani ra wini wisa—; baha uplika nani ba tâski sa, kangbi banhpara!” “Witin nani ba tanis plapi taukisa —idan nani wisa—, kau sip nâra iwi kapras.”

Isikiel 25:3

Wis, Dawan ai bîla witin nani ra aisi ba walbia: ‘Man nani liliakira wini banhram, tempelki tâski dauki kan ba ra, Israel kuntrika sauhki tikan ba ra, Juda uplika nani ba upla iwras tasbaya ra brih wan.

Isikiel 26:2

“Tiro Jerusalem tânka luki ra aisan: ‘¡Alai, diara atkaia durka, nisan nani tilara pîs nani ra baman daukan sa! ¡Nanara yang piui balan! Yang yuya wal aibanhri sa, witin nani lika sauhki tikan ra takaskan kabia.’

Isikiel 36:2

Yang Dawan sna ba, naku wisni: Israel waihla nani ba ai dara walisa ban kaia ilka bîla nani ba dawanka takan.

Isikiel 36:20

Sakuna ani ani kuntrika ra witin nani auya ba, nini holikira ba sauhki kata, kan upla nani aisi kan: ‘Naha nani na Dawan uplika nani sa, sakuna ai kuntri wina takaia kan.’

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Isikiel 37:22

Witin nani ba nisan kumi daukamna naha kuntrika ra, Israel ilka ra, bara king kumi baman bribia. Kli tar baiwan kabia apia nisan wâl ra, king lâka wâl ra sin apia.