Jirimaya 33:17 - DAWAN BÎLA AISKA

¹⁷ Yang Dawan sna ba, naku wisni: Piua bani Debit kiamka kum ban Israel kingka bâra kabia,

Jirimaya 33:17 ပူးပေါင်းရင်းမြစ်များ

2 Samuil 3:29

¡Pâtka ba Joab lal purara kauhbia, ai taya nani sut purara sin, naha pâtka nani wina swak takbia apia iskadura, lipar, apia kaka skahwa wapaia, ya bui kra ikan kabia, plun wahwan pâtka nani wauhbia!”

2 Samuil 7:12

rayakam ba tnata alki man pruma ba ra, man kiamkam ba wina kum king mangkamna, bara yang bui ai kingka lâka ba karna daukamna.

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

1 King Nani 2:4

Baku mika Dawan ai win bîla ba kat daukbia, witin bui yang ra ai win ba: ‘Man luhpiam nani yabalki ba alki bribia kaka, ai kupia aiska bara ai sulka aiska ni, baku ba ra taiya nani tilara diara luha kabia apia, Israel man iwaikam ra iwi kabia.’

1 King Nani 8:25

Bara nanara, Dawan, Israel Gâdka, papiki Debit ra dîa daukaia wiram ba, dauks: ‘Man kiamkam nani tila wina luha takbia apia yang maiwanra, Israel kingka iwaika ra iwaia ba, luhpiam nani yabalki ba alki bribia kaka, bara man tauki katma baku laimara tauki kabia kaka.’

2 King Nani 11:2

Sakuna Joseba, king Joram luhpia mairin bara Ocozías lakrika ba mita Joás Ocozías luhpia waitna ba brin, bara king luhpia nani iki tiki kan ba tila wina tnaya ra laki, Atalía nakra wina yukukan, witinka bara ai mainka kakaira mairka ba wal, yapaia rumka kum ra. Baku natka ra ikras swakwan,

1 Kronikas 17:27

bara nanara man wilin takram nampakan kabia ban kaia ra. Dawan, man bui yamni munram ba ban kaia ra kabia.”

Lawana Nani 132:12

“Man kiamkam nani ra king iwaika ba yabamni. Man luhpiam nani, yang lâika ba daukbia kaka, bara yang lâika nani smalkaisna ba, witin luhpia nani sin, ban kaia ra man king aimakisma ba iwaika ra iwi kabia.”

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 17:25

Man nani baku daukma kaka, piu bani king nani bâra kabia Debit iwaika bâra iwi kaia, waginka nani ba araska nani ba prana dauki uli bal tawan getka nani bâk dimi kabia, wihta tara nani ba sin witin nani aikuki, bara Juda uplika Jerusalem uplika nani sin aikuki tauki kabia. Jerusalem ra sin upla ailal bâra ban kabia.

Jirimaya 35:19

Yang, Dawan karnika sut brisna, Israel Gâdka, man nani ra mai wisna, Jonadab kiamka wina piua bani waitna kum yang warkki tilara ban kabia.’ ”