Jirimaya 32:9 - DAWAN BÎLA AISKA

^9-10 Bara tasbaya ba tahtiki luhpia Hanamel wina atkri. Silbar mâ 17 yang bui witin ra yabri baha wal aisi mana kulkan ba praiska kat, bara lâka ba wauhtaya ra ulbri, witnis nani aikuki nina ulbi sîl taibri.

Jirimaya 32:9 ပူးပေါင်းရင်းမြစ်များ

Blasi Sturka 24:22

Kiamil nani ba sut lî dakakan, bara waitna ba gul ni kakma ra pamaika krukma manakira pali ba kum paman, gul bangkilka sin wâl sakan, bara baha sut mairin ba ra yaban,

Blasi Sturka 37:28

Bara Madián wina uplika diara wauhi âiatkra nani ba bahak bal lui auya kan ba ra, witin nani Josep liwanhta ba wina saki, baha uplika nani ra silbar mâ 20 mana atkan. Bara baku witin nani Josep ba Idsip ra brih wan.

1 King Nani 20:39

King ba lui auya kan ba ra, prapit ba ai bîla karna wini, witin ra win: —Man albikam na taki wan kau war aiklabi kan piua ra, bara kaiks war aiklaklabra kumi mita silak uplika kumi bri laimara bal ai win baha waitnika ba aihwaki kaiki kamna, swirka plapbia kaka yang rayaki ba witin rayaka mana kabia, apia kaka silbar mâ 3,000 aibapamna.

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Ester 3:9

Bamna, king tara, man naha na aitani kulkisma kaka, lâmka adarka kumi laks wabia, baha nani ba sut pali iki tikbia. Bara yang wina warkkam uplika nani ra silbar 60,000 paun yabamna, king yuyaka nani dukia.

Impakan Sturka 21:32

Bara bîp wainhka ba alba waitna sapa, alba mairin kum ra sabi ikan sa kaka, bîp ba walpa ni sabi ikaia sa. Bara alba pruan ba dawanka ra silbar mâ 30 aibapaia sa, alba ba mana.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Isikiel 4:10

Awarkam kat patam ba pi kama, yu bani 8 auns piaia;

Oseas 3:2

Bamna yang silbar mâ 15 bara barli mâ batil 330 mana, mairin kum atki briri.