Jirimaya 32:35 - DAWAN BÎLA AISKA

³⁵ Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Jirimaya 32:35 ပူးပေါင်းရင်းမြစ်များ

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

1 King Nani 11:7

Baha yua nani ra Salaman utla kum mâkan, Jerusalem lalma tani, unta tilara aidul bahki Quemós ra mayunaia; baha ba Moab uplika nani aidulka kan, baku sin Moloc ra, naha lika Amón uplika nani gâdka bahki kan ba.

1 King Nani 14:16

Bara Dawan bui Israel ba mihta ra mangkan kabia, Jeroboam saurka tâwan, witinka saura pali daukan bara Israel ra sin yan saura daukaia.

1 King Nani 15:26

Bara ai daukanka ba Dawan mawanra saura kan, ai aisika dîa dauki kan baku daukan. Israel luhpia nani ra yaban saurka nani ba daukaia.

1 King Nani 15:30

Jeroboam saurka nani daukan ba tâwan, Israel ra sin yaban saura daukan, bara kupia tuskanka daukan Dawan, Israel Gâdka ra.

1 King Nani 16:19

Naha takan saurka nani daukan ba mita, baha saurka daukan ba Dawan bui yamni kaikras kan, sim Jeroboam saurka daukan kan ba baku. Witin ai saurka nani dauki kan ba tilara, Israel ra sin yan saurka daukan.

1 King Nani 21:22

Bara man wamtla ba, Jeroboam Nabat luhpia watla bîla baku daukamna, bara Baasá Ahías luhpia watla ba baku sin, baha kiama karna lâka Israel ra dauki kupi sauhkan ba.’

2 King Nani 21:11

“Manasés Juda kingka ba saurka nani ailal daukan bamna, bara sin witin ba kau saurka daukan amorreo nani kaina piua ra daukan ba wal, baku Juda ra saurka yaban daukan lilka bahki ba wal,

2 King Nani 21:4

Baha sut purkara sin, Dawan tempelka ra altarka nani paskan, baha dukiara sika Dawan aisin witin ai nina ba Jerusalem ra bâra kabia baha pliska ra.

2 King Nani 23:10

Josías sin Ben-hinom ilka biara langnika ra angkaia dukia kum bâra kan ba tâski daukan, upla kumi ra wiras kan ai luhpia waitna, apia kaka ai luhpia mairin Moloc ra sakripais angki daukaia.

2 King Nani 23:15

Baku sin sakripais daukaia pliska ba ra, Dawan wal aisaia watla Betel ra mâkan kata ba, Jeroboam, Nabat luhpia Israel ra yaban saura daukan ba, Josías mita kaiki âpu daukan ba ra angki sut tikan, Aserá lilka nani bâra kan ba sin.

2 King Nani 3:3

Ban sakuna, dîa Jeroboam Nabat luhpia saura nani daukan kan ba, witin sin baha saurka ra kauhan, baha saurka wal sika Israel ra yaban saurka daukan.

2 Kronikas 33:6

Bara ai luhpia nani sakripais angkan Ben-hinom langnika ra, pirit nani ra wih ai pura sunan, yapi kaiki nani ra wan, diara kaiki nani ra wan pirit saura ra winaia, ai pura sunaia lâka bukan, sukia lâka nani daukan. Ai daukanka Dawan saura pali ba Dawan nakra ra daukan, Dawan kupia baikaia dukiara.

2 Kronikas 33:9

Sakuna Manasés daukan Juda bara Jerusalem ra aiska sut ba yabal saura ra wabia, bara saurka nani kau manis daukan, nisan wala nani Dawan bui sauhki tikata ba Israel wal.

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Impakan Sturka 32:21

Baha ningkara Eran ra win: —¿Upla nani na mita dîa mai munan kan, naku yaram witin nani saura tara kum dauki banhwan na?

Aiseya 57:5

Usupum dusa munhtara, bara dus tara nani sut mununhtara, saurka lâka lihki banhwisma, bara tuktan nani ra sin sakripais daukisa lî warbra nani ra bara walpa tara nani klukia ra.

Jirimaya 19:2

Baha ningkara Ben-hinom ilka langnika ra was Dipasta Yakabaika ra, getka ba mawanra bahara naha smalkanka mai wisna na upla nani ra smalks.

Jirimaya 30:14

Lilam nani ai âuya mai tikan; man ra luki kli trabil takras. Yang bui man ra klala maikri, yang na man waihlam baku, klala karna pali maikri watawi lâka ailal daukram ba tâwan, saurkam nani kulki sakaia sip âpu ba tâwan.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Jirimaya 7:30

Dawan ba kasak aisisa: “Yang yamni kaikras sna, Juda uplika nani diara daukan ba: yang saura kaikisna aidulka ba witin nani bri yang tempelki ra brih wan bara waitla ba tâski daukan.

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Isikiel 23:37

Witin mita lukras ai sakan bara ai mihta nani tâski daukan tala laikan bamna. Sip lukras ai sakan aidul ra mayunan man, bahara kulkanka yaia wisi ai luhpia waitna nani sakripais daukan pauta ra, baha luhpia waitna nani witin wal briri ba.

Libait Lâka 18:21

“Luhpiam nani kumi sin gâd Moloc ra prisant baku yapara. Baku dauki Gâdkam nina ba sauhkpara. Yang sika Dawan.

Apastil Nani Sturka 7:43

Sakuna Moloc gâdka wal prawaia watla sika man nani twilki banhwi katma ba, bara Refán gâdka nani slilma lilka ba sin, baha lilka ra man nani mihtam ni daukram ba, bahara puram suni mayunaia wisi. Baha mita man nani tasbayam pali wina mai saki, laih Babilon kuntrika ra mai blikamna.’

Kli Smalkanka 12:31

Baku Dawan Gâdkam ra daukpara, kan bahki kulkan dukia nani ba sika, baha nisanka nani ai gâdka ra mayuni ba, Dawan pain kaikras ban ai luhpia nani sin, pauta ra sakripais daukisa.

Kli Smalkanka 18:10

Man nani wina kumi sin luhpiam pauta ra bri si sakripais dauki yapara, dahra pliki saki warkka sin daukpara, kainara dîa takaia ba aisi wipara, sukia warkka sin daukpara,

Kli Smalkanka 24:4

mairin ba tâski takan sa kaka, maya waitna pas kata ba sip apia kabia witin wal kli briaia. Naha na Dawan mawanra saura kaikbia, bara Dawan Gâdkam man nani ra kuntrikam dukiam maikuya ba swira daukbia apia.