Jirimaya 32:20 - DAWAN BÎLA AISKA

²⁰ Man Idsip ra diara aihkakira nani bara sain nani daukram, Israel luhpia nani tilara sin kau naiwa daukisma upla wala nani tilara sin kau ban, bamna baku man ninam ba tasba aiska ra param sa.

Jirimaya 32:20 ပူးပေါင်းရင်းမြစ်များ

2 Samuil 7:23

Israel luhpia nani dukiara, man uplikam nani ba, ¡witin baku wala âpu sa, witin nani ba baman bâk sakan nisanka kumi sa tasba ra! Man, Dawan, witin nani ba pri sakram witin nani man uplikam nani kaia mata, diara tara bara aihkakira nani witin wal daukram ba ra, man ninam ba purara pali bukram. Nisan wala nani sut ba ai gâdka nani wal, uplikam nani mawanra batakram, man bui witin nani ba Idsip wina atki sakram ba ra.

1 Kronikas 17:21

Israel man uplikam ba dukiara lika, ¡witin baku wala âpu sa, nisan sin wala âpu sa naha tasba ra! ¡Ay, Gâd, man bui sika pri sakram uplikam kabia dukiara, bara ninam ba tara bukram, wark tara aihkakira nani daukram ba mita! Idsip wina pri sakram, ban sin nisan wala nani ba wina sin.

Nihimaya 9:10

Bara wark aihkakira pali sin daukram king fero mapara, ai warkka uplika nani mapara, ai tasbaya uplika nani aiska mapara sin, kan man kaiki kapram witin nani praut lâka ra uplikam nani ra taibi kan ba. Baku sika man mita pura lui ninam ba tara pali daukram, naiwa kat kulkanka ban brisma.

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Lawana Nani 135:9

Witin, sain aihka nani blikan Idsip lilapaska ba kat, King fero bara ai wihtka nani mapara.

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 3:20

Bamna yang bui witin nani ra karniki marikamna, diara aihkakira karnakira nani ai tasbaya ra daukamna ba wal, prura wal sin witin nani ra klala yabamna; baha ningkara witin mai swika taki wama.

Impakan Sturka 7:3

Ban sakuna, yang mita king fero ba lal karna, upla bîla walras daukamna. Bara witin bui man bîlam walbia apia. Yang lika Idsip ra sain nani ailal daukamna, wark aihkakira nani sin ailal daukamna. Bamna

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 63:14

daiwan nani il bîla ra iwi auya ba baku?” Dawan spiritka ba witin nani tâ bri kan. Witin ai uplika nani ba baku tâ brin bara upla ailal aisaia daukan.

Jirimaya 13:11

Upla ai maisa wila ai maisa ra aubi wilki ba baku, Israel bara Juda upliki nani ba baku laima pali kat bri katna, yang upliki nani kaia, bara witin nani bui upla wala nani ra yang nini ba wiaia, yang ra pain ai kulki praina dauki uplika nani kaia. Sakuna witin nani bîli wali daukras. Yang, Dawan, kasak aisisna.

Daniel 6:28

Daniel ba king Darío tasbaya ra ban kulkan lâka ba alki kata, bara king Ciro Persia kingka aimakan ba piua ra sin.

Daniel 9:15

‘Dawan wan Gâdka, man karnikam tara ba wan marikram sa, Idsip wina uplikam nani sakram ba piua ra, baku daukram ba mita tasba aiska ra ninam ba plapi tawan sa, baha yua ra bara naiwa yua ra sin, ban sakuna yang nani saura bara watawi sin dauki banhri.

Apastil Nani Sturka 7:36

Moses kata sika wan damika nani Idsip wina sakan ba. Baha tasbaya ra witin lika wark aihka nani bara sain nani sin daukan, Kabu Pauni ra, ban upla iwras tasbaya ra sin mani 40 kan piua ra.

Kli Smalkanka 11:3

Idsip ra king fero mapara bara ai kuntrika sut purara sain tara nani daukan.

Kli Smalkanka 4:34

¿Gâd wala bâk sakan ba ra kangbi, upla wala nani tilara tânka tara kaiki, sain nani wark aihkakira dauki, war aiklabi kira tasba ra ai karnika marikan, Dawan Gâdkam Idsip ra man nani mamta daukan kaikram ba?

Kli Smalkanka 6:22

Yang nani kaikri sain tara aihka sibrinkira Dawan mita Idsip ra, king fero mapara bara watla bilara sin daukan ba.

Kli Smalkanka 7:19

Luki banhs traika kaikan tara nani ra man nani ba witnis kapram, sain tara aihka karnakira nani Dawan Gâdkam bui sakbi Idsip wina mai sakan. Man nani sîa brima tawanka nani ra, Dawan baku daukbia.