Jirimaya 31:4 - DAWAN BÎLA AISKA

⁴ Kli mai paskamni, Israel. Kli balma pulaia dukia nani wal bara lilia dans puli kira.

Jirimaya 31:4 ပူးပေါင်းရင်းမြစ်များ

2 King Nani 19:21

Naha bîla nani sika Dawan aisan ba Asiria kingka ba dukiara: “Saion tawanka ba, mairin tiara kum baku, Senaquerib, lamwaska kikisa. Man ninamra Jerusalem ba ai lal wauhisa man mahka taki auma ba ra wisi.

Lawana Nani 149:3

Ai nina ba mayunan kabia dans puli ba wal, witin ra aiwans arp puli bara drum puli kira.

Lawana Nani 30:11

Inanki nani ba, lilia pulan ra laki aikram; sari prâka dimi katma ba saki, lilia prâka ni ai dingkram.

Lawana Nani 51:18

Saion ra yamni muns, kupiam aiska ba kira; Jerusalem kutbanka nani ba kli paskaia.

Lawana Nani 69:35

Bamna Dawan Saion ba swaki sâkbia bara Juda tawanka nani ba kli paskbia. Bara witin nani bahara kli iwbia, bara ai dukia bribia. Bâra mika kiamkam ba, ai tasbaya ba bribia, baku sin ani uplika nani man ra latwan mai kaiki nani ba bahara ai watla brih iwbia.

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 30:32

Kasakka lâka dadaukra dusa prukanka kumi bani ba, Dawan mita witin nani purara prukuya ba, kungbi nani pruki, arp nani kangbi ba binka baku kabia. Dawan ba witin nani mapara karna pali aiklabia.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 18:13

Baha mita Dawan naku aisisa: “Nisan nani tilara man nani makabi wals, baha sut sturka talia upla kum kum walan sapa. ¡Israel luhpia nani diara saura pali daukan ba!

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Jirimaya 31:13

Tiara nani ba dans pulan kabia liliakira, baku sin wahma nani bara dama nani sin. Yang maikamni maisa nihkra: inaia lâka ba lilia ra lakamni, lilia lâka kau tara kum yamna latwan bri ba wal.

Jirimaya 31:21

“Israel, yabalka ra tukin mangkisa, baku lika sip sa kli swapni lâka ra yabal ba sakaia; pain kaiks yabalkam anira watauki kapram ba. ¡Kli bal, Israel luhpia nani, kli bal tawankam nani ra!

Jirimaya 31:38

Dawan ba kasak aisisa: “Yua kum balbia yang tawanki ba kli paskan kabia, Hananel tawerka wina kutbanka wih takaskan getka ba kat.

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Jirimaya 46:11

“¡Idsip uplika nani, sîka pliki Galaad ra was! ¡Sakuna sîka nani pliki brima ba, man nani ra hilp âpu kabia, sîka âpu man nani mai rakaia!

Inanka Nani 1:15

Waitna karnakira nani tâiwan aiklabaia bri kapri ba sut, Dawan mita munan, yang wina laihura plapi banhwan. Witin aiklaklabra daknika kum asla dauki, yang maipara aiklabaia blikan, upliki karnakira nani brisna ba sut âpu daukaia mata. ¡Dawan bui Juda sunukira kan taibi tanhta daukan, wain mâ nani ra taibi âpu laya saki baku!

Inanka Nani 2:13

Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Emus 5:2

Israel, kasak bara painkira ba kauhan sa; kauhan sa, kli buaia dukiara. Ai tasbaya pura kat prawisa, bara upla sin âpu sa baha wina bukaia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Luk 15:23

Bîp lupia batanira ba sin sal iks, ¡bara kaisa yawan baha pih lilia daukaia!

Apastil Nani Sturka 15:16

‘Naha diara nani ningkara, yang Debit watla kauhan ba bal kli buki bapamna; sauhkan ba sin kli paskamni, kli sin raya bapamni.

Wihta Nani 11:34

Jefté kli ai watla Mispá ra tawi wan ba ra, ai luhpia mairin kumi baman bri kata ba, utla wina liliakira miusik puli bara dans puli bal takan witin ai lakula daukaia. Witin ba ai luhpia wala nani kau âpu kan, ai luhpia mairin ba baman kumi lal kat bri kan.