Jirimaya 31:37 - DAWAN BÎLA AISKA

³⁷ Yua kum kra kasbrika pura ba kulkbia tasba nani tânka pliki kaiki ban natka sât sât ra, baha yua ba yang bui Israel ra bahki lâka ra kulkamni baha diara sut daukan ba. Yang, Dawan, kasak aisisna.”

Jirimaya 31:37 ပူးပေါင်းရင်းမြစ်များ

Job 38:18

¿Naha tasba yahpika na tânka brisma ki? ¡Ai wis kasak pali man tânka sut brisma kaka!

Lawana Nani 89:2

Upla nani ra wimni, lamtwanka ba ban kaia ra bâra sa; kasakkam lâka ba aihka takras, kasbrika pura ba aihka takras ba baku.

Sins Lâka 30:4

¿Yamna kasbrika purara uli wan bara kli bal iwan? ¿Yamna pâsa nani ba ai mihta kruskan ra alki briaia sip ba? ¿Yamna kabu laya nani ba ai watlika ra alki mangkan? ¿Yamna tasba tnata lainka nani sut dutki bapan? ¡Yang ra ai wipara ai nina ba nu sma, bara kau pali ai luhpia nina ba!

Aiseya 40:12

¿Kabu tara ba ya pat ai mihta ra alki kulki kaikan, apia kaka ai mihta sirpika nani ba ni kasbrika pura bîla yahpika ba pat wiria kulki kaikan? ¿Ya pat tasba yuya nani ba sut kâp kumi ra auhban, apia kaka, kiuhsi nani il nani ba sut paun ra mangki kaikan?

Aiseya 54:9

“Noa ra aisari baku, lisamra dukiara aisi ba ra, kli tasba purara lisamra pura lubia apia. Baku pramis takan nanara kli man mampara kupi baikram ra apia, kli sin mai ikaia mai wimna apia.

Aiseya 65:9

Yang daukamna Jekob ai kiamka nani briaia bara Juda ra upla bâra kabia yang ilki nani ra iwaia, bara yang mita bâk sakri nani ba tasba ba ai dukia bribia, yang duki dadaukra nani ba bahara iwbia.

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 33:22

Duki dadaukra Debit kiamka nani ba, yang warkki dadaukra nani ba, Libai kiamka nani ba slilma ailalka kasbrika purara bâra ba baku, auhya ailalka kabu ra bâra ba baku ailal daukamni, baha nani numbika upla kumi sin sip kulki sâkbia apia.”

Jirimaya 46:28

Yang Dawan, kasak aisisni: duki dadaukra, Jekob uplika nani, si bripara, kan yang lika man nani wal sna. Baha nisanka nani tilara mai yakabri ba sut sauhkamni. Man lika mai sauhkamna apia; klala briaia sma klalka ni baman maikamna, wapni mai daukaia dukiara.”