Jirimaya 31:35 - DAWAN BÎLA AISKA

³⁵ Dawan ba, lapta mangkan sa ingni daukaia kakna ra bara kati slilma nani ba tihmia ra ingni daukaia mangkan, kabu ra taibi munan bara ai binka tara ni praut takisa, nina kum brisa Dawan karnakira ba, baku wisa:

Jirimaya 31:35 ပူးပေါင်းရင်းမြစ်များ

Job 26:12

Ai karnika ba ni kabu ra taiban, witin sip ba mita, Rahab daiwra saura tara ba pura luan.

Job 38:33

¿Man tânka brisma ki kasbrika purara lâ nani bâra ba? ¿Man sma ki baha lâka nani tasba ra saki wi ba?

Lawana Nani 106:9

Bara witin Kabu Pauni ba lâwi daukan, bara laya ba klang lâwan, bara witin nani baha tihuka tara bâk wapi luan, sim upla iwras tasbaya kan baku.

Lawana Nani 119:89

Dawan, man bîlam ba ban kaia ra sa man bîlam ba kasbrika purara ba, kat bapan sa.

Lawana Nani 119:91

Man lâ nani aisi daukram ba kat, ban bâra sa kitwi tawras; diara sut ba man warkkam sa bamna.

Lawana Nani 148:6

Witin baha nani alki brisa ban kaia ra ban kabia, bara witin lâ mangki yan, witin nani baha lâka lui sauhkaia apia.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 72:5

¡Kati bara lapta ba ban bâra sa kaka, king ba man ra sibrin luki ban kabia!

Lawana Nani 74:13

man karnikam ni, kabu tar baiki sakram, daiwan saura tara nani kabu ra ba lal baiki tikram.

Lawana Nani 74:16

Kakna bara tihmia ba man dukiam sa, bara lapta ba wih kati wal, man bui sika daukram,

Lawana Nani 78:13

kabu ba yabal daukan, bara bâk upla nani ba wapi luan, lî ba kutbanka baku alki takaski bri kan.

Lawana Nani 89:2

Upla nani ra wimni, lamtwanka ba ban kaia ra bâra sa; kasakkam lâka ba aihka takras, kasbrika pura ba aihka takras ba baku.

Aiseya 48:2

dîa wisma tawan holikira uplika nani, bara tâ baikaia Israel Gâdka ra; witin ai nina ba karnika sut bri Dawanka:

Aiseya 51:15

“Yang sika man Dawan Gâdkam, yang nini karnika sut bri Dawanka; kabu ba nikbisna bara ripka nani ba yâri lawisa,

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Jirimaya 33:20

“Yang Dawan sna ba, naku wisni: Kakna bara tihmia ra yang wîri ba ai piua kat impaki kaia lâka baha ba kat yang dauki kaia sna, baha lakaia sip apia.

Jirimaya 33:25

Bamna yang, Dawan sna ba, naku wisni: Yang kakna wâl bara tihmia wâl lâ kum daukri kakna ra tihmia ra pura aimaki kaia lâka ba,

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Jirimaya 46:18

Yang, king sna ba, bara nini ba Dawan karnika sut brisna, rayaki ni swer takisna: Tabor ilka il nani tilara kau purara ba baku, Carmelo ilka, kabu purara daiwi takan ba baku, waihla aula ba baku sa.

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Jirimaya 50:34

Sakuna witin ra swaki sasakra ba sip pali sa, ai nina ba Dawan karnika sut brisa. Kasakka lâka ba witin mita daukbia; kupia kumi lâka ba ai uplika nani kuntrika ra yabia, bara sirang tara iwaia ba Babilon uplika nani ra yabia.”

Jirimaya 51:19

¡Jekob Gâdka diara sut bâra ba papaskra ba, witin sât aihka sa! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Emus 9:8

Dawan nakra nani ba Israel kingka tasbaya diara saura dauki ba kat kang kaikisa, bara witin naku aisisa: “Yang baha kingka tasbaya ba sauhki tikamna, ban sakuna Jekob kiamka nani ba lika, sut pali iki tikamna apia. Yang, Dawan, kasak aisisna.

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Kli Smalkanka 4:19

Bara kasbrika ra, lapta, kati, slilma nani, slilma tara nani kaikma piua ra baha nani ra mayuni traika kaikan ra kauhpara, kan Dawan Gâdkam paskan sa tasba aiska uplika nani sut dukia.