Jirimaya 31:33 - DAWAN BÎLA AISKA

³³ Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 31:33 ပူးပေါင်းရင်းမြစ်များ

2 Samuil 7:24

Man ban baku lukram, Israel ba man uplikam ban kabia, bara man, Dawan, witin ai Gâdka kama.

1 King Nani 8:58

witin ra wan kupia ba yaka tniwaia, baku mika yawan lika witin ai kupia lâka nani ba daukbia, ai lâka bîla nani mangkan ba bara ai lâka nani ba alki bri kabia, wan damika nani ra yan lâka nani ba.

Lawana Nani 37:31

Dawan smalkanka bîla ba, witin ai lukanka ra brih taukisa; ¡baha mita witin nani ai mina ba lalalras!

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Lawana Nani 40:9

Man uplikam ailal pali ba mawanra yang marikri lâ tânka kasak ba. ¡Dawan, baha man kaikisma, yang bîli praki sâp aisaras apia kapri ba!

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Sins Lâka 7:3

Baha nani mihtam sirpi nani ra wilks; lukankam kat ulbi mangks.

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 32:38

Witin nani ba yang upliki nani kabia, yang sin witin nani ai Gâdka kamna.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Isikiel 37:27

Witin nani tilara iwamna, bara yang ai Dawanka kamna bara witin nani upliki nani kabia.

Oseas 2:20

Yang mayi mai brimna bara man wal kasak kamna, bara yang lika man dawankam sna ba, ai kaikma.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Roman 11:27

Bara naha sika yang bui witin nani wal lâ daukri ba, yang bui witin nani saurka ba sut sakamna ba ra.”

Roman 7:22

Kupi munhtara lika, Gâd lâka ba yamni kaikisna,

2 Korint 3:3

Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

1 Tesalonaika 4:9

Wan muihni nani ra latwan kaikaia tânka dukiara lika, yang diara kumi sin âpu sna man nani ra mai ulbaia, kan Gâd pali mita pat mai smalkan sa, pana pana walkam nani ra latwan kaikaia.

Hibru Nani 10:16

“Baha yua nani ningkara witin nani wal lâ daukamna ba, naku kabia wisa, Dawan bila: Yang lâika nani ba witin nani kupia ra mangkamna, bara ai lukanka nani bilara baha nani ba ulbamna.”

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.