Jirimaya 31:32 - DAWAN BÎLA AISKA

³² naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Jirimaya 31:32 ပူးပေါင်းရင်းမြစ်များ

1 King Nani 8:9

Lâ auhbaia watla ba bilara diara lika âpu kan, ban sakuna Horeb ilka ra Moses bui walpa tanhta ulban wâl mangkan ba baman bâra kan; bahara Israel luhpia nani wal Dawan lâ daukan ba, Idsip tasbaya wina takan ba piua ra.

Lawana Nani 73:23

Ban sakuna, man wal ban tauki kapri. Man bui yang mihti aihkika ra ai alkram,

Lawana Nani 78:37

Witin nani ai lukanka param apia kan, ai lâka nani ra sin kulkras kan.

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Yamni Kulki Lawana 8:5

¿Naha na ya sa ki, upla iwras tasbaya ba wina taki aula ba, ai latwankira waitna pahpaya ra prawi? Apil dusa kum mununhtara yapram ba wina mai bukri: baha pliska ra man yaptikam aisubaia latwanka brin ba, bahara man yaptikam mai baikan.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 41:13

Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Jirimaya 11:3

bara man bui witin nani ra naku wis, yang Dawan, Israel Gâdka, param aisisna, saura pali kabia baha uplika ra naha wal lâ daukan lâka bîla nani ba kat wali daukras ba.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 22:9

Bara witin nani pana wibia: ‘Dawan ai Gâdka witin nani wal lâ daukan lâka ba witin nani swin ba mita, bara gâd wala nani ra witin nani mayuni ai pura sunan ba tâwan baku munan.’ ”

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 34:13

“Yang, Dawan, Israel Gâdka, man nani damikam nani Idsip wina sakri taim witin nani wal lâ kum daukri, bahara witin nani alba warkka dauki kan. Witin nani ra wîri

Jirimaya 34:14

Ju atkan kum ai dawanka albika 6 mani takuya bara 7 mani alkaia manka ba pri swiaia sa. Sakuna damikam nani lâika ba kulkras bîli wali daukras kan.

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Isikiel 20:37

Yang kumi bani ra laki mai kaikamna, sepad baku ai sîpka nani kulki kaiki ba; bara yabrika ai pramiska ra iwbia.

Isikiel 23:4

Almukka ba nina Oholá (Sameria tânka); bara ai muihni Oholibá (Jerusalem tânka). Yang bui witin ba mayi briri, bara luhpa mairin, waitna nani baiki aikan.

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.

Oseas 2:2

Dawan aisi wisa: “¡Man nani yaptikam lâka aisi dauks, dahra sâks, kan witin ba, yang mayi apia takan sa, yang sin witin ai maya waitna apia sna! ¡Ur mairin lâka ba swibia ai waitnika nani ba, ai lamkuka wina saki batakbia!

Oseas 3:1

Dawan kli bal ai win: “Man was bara mairin kum ra laik taks, pâmnika mairka pali, bara ai maya nakra praprakra ba. Dawan bui Israel luhpia nani ra baku latwan kaikisa. Witin nani bui kakaira apia uplika nani gâdka ra wan sakuna, bara dus mâ lupia nani, lâki muni britka yaban pîsa.”

Libait Lâka 26:15

ban bahki kulki swima, lâ nani ban alki daukras lâika nani ba sut kaikma kaka,

Mark 8:23

Jisas waitna blain ba mihta ra alki, tawan wina brih sakan. Yabalaya ai nakra ra yuki, ai mihta purara kahbi, makabi walan diara kaikaia sip sa sapa.

Jan 3:29

Marit lâka kum ra, marit taki mairka ba sika marit waitna maya mairin; bara marit taki waitnika pânika bâra ba, witin aisanka nani wali bara lilia manis takisa.

Apastil Nani Sturka 23:19

Kamandanti ba mita tukta wahma ba mihta ra alki, wal aihka tnaya ra taki, makabi walan: —¿Man dîa ai wiaia brisma ki?

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Kli Smalkanka 1:31

bara upla iwras tasbaya ra sin daukan ba. Dawan Gâd ai klahkla ra mai alki mai bri taukan yabalkam aiska ra, naha tasbaya ra balram ba kat, aisa kumi ai luhpia ai klahkla ra alki buki bri ba baku.’

Kli Smalkanka 29:1

Naha lâka nani na sika Dawan mita Moses ra kli yaban kan Moab tasbaya ra, Israel luhpia nani ra smalkaia. Baha daukaia lâka na Horeb ilka ra pat witin nani wal aisin kan.

Kli Smalkanka 29:21

Naha lâka wauhkataya ra ulban ba baku, Dawan mita baha uplika ba, Israel luhpia nani masraka tila wina tnaya ra laki swira lâka ra swibia.

Kli Smalkanka 29:24

“Baku bamna, tasba aiska ba mita makabi walbia: ‘¿Dîa muni Dawan naha uplika nani ra naku daukan? ¿Dîa kan uba pali ai kupia baiwanka ba blikan?’

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Kli Smalkanka 5:2

“Dawan wan Gâdka, lâ kum daukan Horeb ilka ra yawan aikuki.

Kli Smalkanka 5:3

Wan damika nani aikuki baman daukras, sakuna yawan nani naiwa nâra aikuki asla takan nani ra sin.

Hibru Nani 8:9

Witin nani damika nani wal lâ daukri ba baku kabia apia, witinka nani mihta alki, Idsip tasbaya wina brih sakri yua ba. Witin nani wal lâ daukri ba kat kulki banhras kan, bara ba mita witin nani ba lulki swiri, Dawan baku wisa.