Jirimaya 31:28 - DAWAN BÎLA AISKA

²⁸ Bara baku pali ridi kapri daikaia, batakaia, mâyara lahbaia, sauhkaia bara trabil munaia, baku natka ra aihwaki kaikisna paskaia bara mangkaia. Yang, Dawan, kasak aisisna.

Jirimaya 31:28 ပူးပေါင်းရင်းမြစ်များ

Job 29:2

¡Sip katna kaka yang baha yua nani ra kli tawaia, Gâd mita kaini kahbi kan ba yua ra!

Lawana Nani 102:16

Saion ba kli raya paskbia, bara witin ai prana ra latan bal takbia.

Lawana Nani 69:35

Bamna Dawan Saion ba swaki sâkbia bara Juda tawanka nani ba kli paskbia. Bara witin nani bahara kli iwbia, bara ai dukia bribia. Bâra mika kiamkam ba, ai tasbaya ba bribia, baku sin ani uplika nani man ra latwan mai kaiki nani ba bahara ai watla brih iwbia.

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 1:12

Bara Dawan ba pana ai win: “Baku aisaia raitkam brisma. Bamna yang wali aihwaki kamna diara sut ra, baku mika yang bîli mai wîri ba kat aimakaia.”

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Jirimaya 32:42

Dawan pura praki aisin: “Naha uplika nani purara sauhkaia lâka tara blikri ba, baku sin pramis munisna ba yamniki nani ba sin blikamni.

Jirimaya 42:10

‘Man nani naha tasbaya ra takaski iwaia wilin sma kaka, man nani ra diara yamni nani takaia daukamna; mai sauhkamna apia, mai mangkamna bara kli mai daikamna apia, man nani mai sauhkaia baha pâtka blikri ba kupi wirha takisa.

Jirimaya 44:27

Kan yang aihwaki kaiki kamna pât nani ba man nani ra blikaia, diara yamni nani lika apia. Juda uplika nani sut Idsip ra iwi ba titikbi âpu daukaisna war ra, apia kaka sanglang ni.

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Isikiel 19:12

Kuna kupia baiwan wal daikan bara tasba ra batakan. Lalma payaska ba bui lâkan wainka mâ nani ba sut kauhan; bara tnawa karna nani ba lâwan, bara pauta klauhan ra lulkan.

Isikiel 36:10

Yabrika Israel ra iwi nani ba ailal pali takbia. Tawanka nani ba upla nani ni banhkamna, bara sauhki tikan nani ba kli paskbia.

Daniel 9:14

Baha mita, Dawan, man naha klalka nani saki yang nani purira blikram, kan man ba sika Dawan wan Gâdka sma ba, diara sut daukisma ba tilara man ba ban kasak sma, yang nani bui man ra mai walan wan daukras kan.

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Emus 9:14

Upliki Israel nani priski tasba wala ra brih wan ba, yang kli bri balamna, tawanka nani sauhki swin kabia ba sin, witin bal kli paski bahara iwbia, wain nasla nani sin daukbia, wain laya sin di kabia, insla nani dauki plun mangki ai pata mâ nani saki pi kabia.

Sakaraya 8:14

Dawan, karnika sut bri ba, naku aisisa: “Damikam nani kupi baikan bara klala yabaia lukri ba, kupi lakras ban daukri.

Sakaraya 8:15

Ban sakuna, nanara Jerusalem bara Juda uplika nani ra, yang diara yamni daukaisna. Bahamna, man nani si bripara.

Apastil Nani Sturka 15:16

‘Naha diara nani ningkara, yang Debit watla kauhan ba bal kli buki bapamna; sauhkan ba sin kli paskamni, kli sin raya bapamni.

Kli Smalkanka 30:9

Baku bamna, man nani sut daukma ba Dawan mita ailal maikbia, luhpiam nani ra, daiwram luhpia nani ra, patam mâ, Dawan Gâd bui man nani ra pain lukbia, damikam nani ra lukan ba baku.