Jirimaya 31:25 - DAWAN BÎLA AISKA

²⁵ Bara plun pin kabia, diara din kabia aibanhwan praiska swapan nani ba bara karnikas ba sin.”

Jirimaya 31:25 ပူးပေါင်းရင်းမြစ်များ

Lawana Nani 107:9

Kan witin diran dauki nani diranka daskisa, bara plun dauki nani ra biara banhki yabisa.

Lawana Nani 23:3

Karniki raya aikisa bara kasakka yabalka nani bâk ai bri auya, witin ai nina kulkanka lâka dauki.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 40:29

Swapan bara witin mita karnika yabisa, karnika âpu pali takan ba ra sin witin mita kli karnika ailal yabisa.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Jirimaya 31:14

Daukamni prîs nani ba plun kau pain ba piaia yang tawanki ba ai lilia bribia diara ailal brisna ba wal. Yang, Dawan, kasak aisisna.”

Isikiel 34:14

Twi kau pain dakakaia brih wamna, Israel ilka tara nani ra bâra ba. Bahara ris briaia sip kabia bara twi kau auhni nani ba piaia.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Luk 1:53

Plun dauki uplika nani ra diara pain nani ni banhkan, bara yuyakira nani ba lika mihta bîla baman blikan wan.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;