Jirimaya 31:22 - DAWAN BÎLA AISKA

²² ¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Jirimaya 31:22 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 2:18

Bamna nanara, ¿dîa brinka brisma Idsip ra waia Nilo awala wina lî diaia? ¿Dîa brinka brisma Asiria ra waia Éufrates awala wina lî diaia?

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 3:4

Bisi pali kat sin man kau aisi kapram: ‘Yang aisiki, wahma wina yang pâinika katma,

Jirimaya 3:6

King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 49:4

¿Dîa muni mamyunisma karnikam brisma wisi? Mapara babura nani, karnikam pat âpu takisma, diara nani kuki briram ba ra kasak lukisma bara aisisma: ‘¿Ya yang wal aiklabaia?’

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Oseas 4:16

Israel ba mapara babura takan, bîp tiara wail baku; bara baku sma ba, ¿Dawan ba ban man nani ra sîp lupia nani ra baku twi painkira pâwi tasbaya ra, main mai kaiki kabia ki?

Oseas 8:5

¡Sameria, baha bîpka lilka lupia ra, yang misbara kaikisna ba ra, man puram sunisma! Bîpka ba mapara kupi baiwanka ba lapta pali takan sa. ¿Baha tâskika ba wina, Israel luhpia nani ba ahkia kat klin takbia ki? ¡Baha Sameria bîpka lilka lupia ba, Gâd apia! Baha lika diara papaskra kum mita paskan, bara yu kum yuya man krikan kabia.

Sakaraya 7:11

Ban sakuna, Dawan aisin ba, upla nani wali daukras kan. Sut ai kiamapara dauki si bara ai ninara tawan.

Kulki Kaikanka 16:30

sakuna Dawan ai warkka nani daukbia ba ra, tasba kwâki naha waitnika nani ra langkbia, diara nani bri ba sin sut, raya banhwi ba ra tasba mununhtara dimi wabia. Man nani sut mita kaikma, naha waitnika nani na sika Dawan ra bahki kulkan ba.

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.