Jirimaya 31:20 - DAWAN BÎLA AISKA

²⁰ “Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Jirimaya 31:20 ပူးပေါင်းရင်းမြစ်များ

Blasi Sturka 43:30

Josep witin kau sip ai kupia priski briras kan, alai inan daukan. Bamna plapi ai rumka ra wih diman, bara bahara ai durka praki ban ai bîla baikra saki inan.

1 King Nani 3:26

Bara tukta raya yaptika pali ba sari takan ai luhpia ba dukiara, bara king ra makaban: —¡Du pali! ¡Kingki tara, tukta raya ba ikpara! ¡Kau pain kabia naha mairka ra yama kaka! Sakuna mairka wala ba bila: —Apia, aitani sa baku daukan kaia, yang duki apia, man dukiam sin apia. ¡Klaki baiks!

Lawana Nani 103:13

aisa ai luhpia nani ra latwan kaiki ba baku, Dawan baha nani ra latwan kaikisa, witin ra kulki uplika nani ra.

Sins Lâka 3:12

Kan ani uplika ra Dawan mita latwan kaiki ba, witin smalki lawi daukisa, sim aisa kum ai luhpia ra yamni kaiki naku wapni daukaia muni ba baku.

Yamni Kulki Lawana 5:4

Laitwankira waitna, ai mihta kum dur prakaika unta lupia bâk dingkan, ¡bara baha mita kupi ba turban kan!

Aiseya 16:11

Baha mita yang kupi ba arp baku tatatwi kabia, Moab ra luki ini kabia, yang kupi ba Quir-haréset ra sin luki kabia.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Jirimaya 48:36

Baha mita Moab pura mata yang kupi ai mamna lulkisa, Quir-heres uplika nani pura mata sin upla bikaia plutka puhbi ba baku, witin nani diara ailal kukan ba âpu daukan.

Inanka Nani 3:22

Dawan latwanka ba ban kaia ra bâra sa, ai kupia yamnika nani ba sip danh takras.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Libait Lâka 26:44

“Baha mai wîri ba sut tilara, waihlam nani tasbaya ra kama ba ra, aiska pali saura mai kaiki, ban pali mai kulki swimna apia. Âpu pali mai daukamna apia, damikam nani wal lâ daukri, Jekob wal lâ daukri ba luki kamna, kan yang sika ai Dawan Gâdka.

Luk 15:24

Kan naha luhpi waitna pruan kan, kli rawan; tiwan kan, yawan bui witin na kli sakan sa.’ Bamna mahka lilia daukan.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.