Jirimaya 31:19 - DAWAN BÎLA AISKA

¹⁹ Yang lika man wina tnaya ra tawri, nanara yang uba lukisna; saura daukri ba daira walisna bara laima prukisna; swiri tara ai daukisa bara bawan lâka ra sâp ai daukan sa wahma kapri ba saura nani daukri ba mita.’

Jirimaya 31:19 ပူးပေါင်းရင်းမြစ်များ

Esdras 9:6

naku aisi: “Yang Gâdki, yang Gâdki, yang kupi turban bara swiri lâka ra sna, nahki man ra mai wiaia sapa kaikras. Yang nani saurki ailal ba laila pura luan sa, baha purkara yang nani lâ kriki banhri pâtka ba kasbrika kat ulan sa.

Job 13:26

Daihra kwahkanka tahpla pali maipara brih aulma sa; wahma kapri piua ra swakwanki nani daukri kan ba tânka makabi walisma.

Job 20:11

Wahma ai karnika sut ba wal raiti ra dimi wabia.

Lawana Nani 119:67

Kau mâyara bawras kapri bara tanis lâka manis daukri, sakuna nanara, yang bîlam wali daukisni.

Lawana Nani 25:7

sakuna kau tukta kapri, mampara saura nani daukri ba luki kapara, lâ krikri nani ba sin ban âmya ra bri kapara; latwankam lâka tara bara yamnikam lâka ba mita Dawan, yang ra luki bas.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Jirimaya 22:21

Yang bui man ra aisari, man piua yamni bri kapram ba ra, sakuna man walaia apia wiram. Man wahma kapram ba yua wina baku daukisma: ¡yang bîli baikra ba lan mai daukras sa!

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 32:30

Blasi piua wina Israel luhpia nani bara Juda uplika nani ba yang saura kaikisna ba dauki kan; Israel luhpia nani aidul nani paski yang kupi sauhki ba takaskras ban sa. Yang, Dawan, kasak aisisna.

Isikiel 21:12

Bara man, upla, ¡kisbi karna wins, kan tawanki uplika nani ra ikaia bâk sakan sa, Israel tâ brabrira, wihta nani sut ra! Tawan uplika aikuki baku pruaia ra lakan sa, baku bamna latwan bri lamam pruks.

Isikiel 21:17

Yang sin maisa pakamni kupi aisawanka lamni takbia kat. Yang, Dawan, naku wisni.”

Isikiel 23:3

Tiara wina, naha mairka wâl na ur takaia warkka ra diman; Idsip ra yaban ai tialka ba taibi swapni daukan bara sunu kan lâka ba tikan.

Isikiel 36:26

man nani ra kupia raya kum mangkamna bara spirit raya kum sin mangkamni. Man nani wina sakamna kupia karna walpa baku ba, bara kupia swapni mangkamna.

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Luk 15:30

Sakuna naha man luhpiam balan sa, witin lika man lalahkam rug mairin saura nani wal bahki ra baman tikan, bara witin dukiara man bîp lupia batanira ba ikram.’

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Kli Smalkanka 30:2

Bara Dawan ra kli tawi balma kupiam wina, sulkam wina. Ai kupia lâka nani ba daukma, man nani bara man nani luhpiam nani sin, naiwa yang adar maikisna baku.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.