Jirimaya 31:16 - DAWAN BÎLA AISKA

¹⁶ Sakuna Dawan bila wisa: “Raquel, kau inpara; kau namkra laya sâkpara, kan latwankam mana prisant brima: luhpiam nani kli waihla tasbaya wina balan kabia. Yang, Dawan, kasak aisisna.

Jirimaya 31:16 ပူးပေါင်းရင်းမြစ်များ

Blasi Sturka 43:31

Witin wirâ ai kupia aimakan ba ra ai mawan sikbi bara kli bal takan. Bara ai uplika nani ra win: “Man nani plun ba mahka tibil ra kahs.”

Blasi Sturka 45:1

Josep ai muihni nani mawan ra kaiki kan ba ra, witin sip kau ai kupia alki takaski briras kan. Bara witin ai bîla baikra wini aisin ai albika nani ra: “¡Man nani sut latara taks!” Bara Josep ai muihni nani ra param takan bara ai albika nani kumi sin bâra âpu kan.

2 Kronikas 15:7

Sakuna man nani kupiam karna bris, bara sari taki banhpara, kan man nani warkkam ba mana yamni brima.”

Lawana Nani 126:5

Baha nani ai nakra laya wal mangki ba, lilia wini kira mâ ba krikbia.

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Aiseya 30:19

Kasak pali upla nani Saion, Jerusalem ra iwi ba: man kli inma apia; Dawan umpira mai kaiki ba, witin ai kupia pihni man dukiamra bribia; bîlam baikra inanka walbia ba ra, pana man ra aisabia.

Aiseya 40:10

Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Isikiel 37:21

Ningkara wis: ‘Dawan naku wisa: Israel ba nisan wala tilara wih takaskan ba wina sakamna; asla daukamna plis sât sât wina bara yabrika ai tasbaya ra kli tawbia.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

1 Tesalonaika 4:14

Yawan kasak lukisa Jisas ba prui kli buan; baku bamna, yawan kasak lukisa sim natka ra Gâd mita, witin ra kasak luki pruan nani ba, Jisas wal kli bukbia.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Rut 2:12

¡Gâd bui mamna maikbia! Israel Dawan Gâdka mita diara aiska maikbia, witin ai tnawa distika ra mamdiskbia, kan witin ra balram bamna.