Jirimaya 31:15 - DAWAN BÎLA AISKA

¹⁵ Dawan ba wisa: “Bîla baikra kum walisa Ramá ra, upla kum inisa sari pali. Baha Raquel inisa, ai luhpia nani dukiara, maisa nihkaia brin daukras, kan pat prui banhwan bamna.”

Jirimaya 31:15 ပူးပေါင်းရင်းမြစ်များ

Blasi Sturka 35:19

Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa.

Blasi Sturka 37:35

Ai luhpia waitna, ai luhpia mairin nani sut ai aisika maisa nihkaia trai kaikan, sakuna ai luhpia nani ba witin ai maisa nihki ba brin daukras kan. Witin ai luhpia dukiara kau ini bara naku aisi kan: “Luhpi sarka brih ini ban kamna, yang pruan nani tilara wih, witin wal prawamna ba kat.”

Blasi Sturka 42:13

Witin nani kli pana aisin: —Dukiam dadaukra nani, yang nani muihki nani 12 banhwisna, aisa kumi luhpia nani, Kenan ra iwi banhwisna. Muihki sut sirpika ba lika, papiki wal utla ra takaskisa, bara kau wala kum sa, baha lika yang nani tilira âpu sa.

Blasi Sturka 42:36

Bara Jekob ai luhpia nani ra win: —Man nani bui luhpi nani sut âpu dauki yang yakan ai swiaisma. Josep nâra yawan aikuki wan tilara âpu sa, Simian sin, ¿bara nanara luhpi Benjamín sin mihti dakbaia lukisma? ¡Bara wirhika kau tara ba yang purira piua bani kahbisma!

Blasi Sturka 5:24

Henoc Gâd wal wapan bara witin tauki kan ba wina yu kum ban lap tiwan, kan Gâd mita witin ba brih wan bamna.

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Lawana Nani 37:36

sakuna yang kli bal lui kaikaia plikri ba ra, pat taki wan bâra âpu kan.

Lawana Nani 77:2

Ani piua ra, yang sari sna ba ra Dawan ra plikisni, bara sin mihti nani ba takaskras buki puri sunisna tihmia ra kan yang sulki ba, sip maisa nihkra sakras sna bamna.

Aiseya 10:29

Tingni luaika bâk luan Gueba ra tihmia takaskan; Ramá tatatwan; Guibeá Saúl tawanka uplika nani ba plapan.

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Jirimaya 10:20

Yang tintki ba slingban sa, kiwa nani ba sut dakban sa. Luhpi nani ai lulki ai swin, ¡witin nani bâra âpu sa! Ya mita kli tintki ba bukaia âpu sa, kwala twakni ba sin ya mita kli pamaia ba kaikras.

Jirimaya 40:1

Dawan Jirimaya ra aisin, aihwawakra nani kamandantika Nebuzaradán Ramá ra witin ba pri sakan ba ningkara. Jerusalem, Juda wina uplika nani Ramá ra bâra kan ba, Babilon ra brih waia, bara Jirimaya sin baha nani tilara priskan bâra kan Nebuzaradán witin wal prawan.

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Isikiel 2:10

Mihta ba, yang maiwanra ilingkan kan, bara kaikri ulban kan, tani aiska ba: bahara ai bîla saki inanka nani, latwan tara baman kan.

Jasua 18:25

Ba purara Gabaón, Ramá, Beerot,

Wihta Nani 4:5

Débora ai natka bri kan sila dusa munhta distika ra iwi kaia (baha ba mâki kan ‘‘Débora sila dusa’’), baha lika Efraín ilka nani ra bâra kan, Ramá bara Betel wal bilka ra, bara Israel luhpia nani ba Débora ra wan unsaban ba dahra wiaia, bara lâka ba wapni daukaia.

1 Samuil 7:17

Ba sut taukan ba ningkara, witin kli ai watla Ramá ra bali kan, bahara sin Dawan altarka paski bri kan. Baha wina Israel luhpia nani sut lâka dauki kan.