Jirimaya 31:12 - DAWAN BÎLA AISKA

¹² “Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Jirimaya 31:12 ပူးပေါင်းရင်းမြစ်များ

Lawana Nani 130:4

Sakuna man ra saurka swih tikan lâka ba bâra sa, kulkanka maikamna dukiara.

Aiseya 1:30

Usupum dusa wahia nani, lâwi yakawi ba baku kama, dus mâ nasla ra lî âpu ba baku sin.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 52:8

¡Aihwawakrikam nani, ai bîla baikra karna wini ba wals! Witin nani asla taki pura luan winanka wini ba, kan witin nani ai nakra pali ni kaikisa Dawan ba nahki kli Saion ra aula ba.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Aiseya 60:20

Yuam ingnika ba kli dimbia apia, ban kaia ra; kati ai ingnika sin ingwi ban kabia; kan yang, Dawan ba, man ingnikam ban kaia ra ban kamna; sarkam yua ba sut lui wabia.

Aiseya 65:19

Bara yang pali sin, Jerusalem wal lilia takamni, yang upliki nani wal sin âiyapah kamni. Witin nani ai inanka bîla baikra ba kli walan kabia apia, ai winanka bîla baikra sin apia.

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 31:24

Juda uplika bara ai tawanka nani, insla mamangkra nani, baku sîp main kakaira nani bahara iwan kabia.

Jirimaya 31:25

Bara plun pin kabia, diara din kabia aibanhwan praiska swapan nani ba bara karnikas ba sin.”

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Jirimaya 31:6

Bamna balbia yua kum aihwawakra nani ba Efraín ilka wina wini kabia: ‘Man nani bal, kaisa Saion ra, wan Dawanka Gâd ra.’ ”

Jirimaya 31:7

Dawan ba wisa: “Lilia ni aiwans bara Juda tawanka dukiara liliakira bas, kau pali ba nisan nani sut dukiara. Pain wals mayunanka ba, bara wis: ‘Dawan bui ai uplika nani swaki sakan, Israel ra kau takaskan kan ba.’

Jirimaya 32:15

Dawan karnika sut bri ba, Israel Gâdka ba, naku aisisa: Naha tasbaya ra naika upla nani kli balbia utla nani, wain nasla nani atki briaia.’

Jirimaya 33:12

Dawan karnika sut bri ba aisisa: “Naha kuntrika nanara bîla man swin na, upla âpu daiwan nani sin âpu, tawanka nani kumi bani ra kli sîp nani pâwbia bara sepad nani bahara ai daiwra nani dakaki kabia.

Jirimaya 33:13

Il nani tilara tasba langni nani ra, Négueb ra, Benjamín tasbaya ra, Jerusalem kir bara Juda tawanka nani sut ra sin, sepad nani ba kli bal ai sîpka nani ba kulki kaiki kabia. Yang, Dawan ba, baha aisisni.”

Isikiel 17:23

Israel ilka kau tara ba purara. Tnawa takbia, ai mâ sâkbia, bara yalam pranakira takbia. Daiwan sât sât nani baha munhtara raya kabia, piawira sât sât ai watla mâkbia baha tnawa distika ra.

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 34:14

Twi kau pain dakakaia brih wamna, Israel ilka tara nani ra bâra ba. Bahara ris briaia sip kabia bara twi kau auhni nani ba piaia.

Isikiel 36:30

Yabrika dus nani bara insla ba mâ kau sâkbia; baku man nani swiram takma apia, nisan wala nani tilara, plun mai dauki ba ra.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Hageo 2:19

Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”