Jirimaya 31:11 - DAWAN BÎLA AISKA

¹¹ Kan Dawan ba Jekob tawanka ba kli bukan, nisan kau karnakira ba wina pri lâka daukan.

Jirimaya 31:11 ပူးပေါင်းရင်းမြစ်များ

Lawana Nani 142:6

Yang winanki nani ba wals, kan yang karniki âpu takan bamna. Dakbi ai sâks, rau ai sauhki nani ba wina, kan witin nani ba kau karna, yang ba wal.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 49:24

¿Kupia karna war ra aiklabi diara dakbi brin waitnika bara dukia nani ba mihta wina dakbi bribia sip sa ki? Apia kaka, ¿silak ra waitnika kum sip sa ki tataibra kum mihta wina plapaia?

Aiseya 49:25

Dawan kasak aisisa: “Âu, waitna karnakira dîa dakbi brin ba, kli mihta wina dakbia, upla tataibra diara brin ba, kli dakbi bribia. Man mampara unsabaia pliki nani ba mapara yang buamna; yang mita luhpia nani ba swaki sakamna.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Jirimaya 15:21

Watawikira nani karnika ba wina pri mai sakamna, ¡sasauhkra nani karnika ba wina swaki mai sakamna!”

Jirimaya 50:33

Dawan karnika sut bri ba aisisa: “Israel luhpia nani ba bara Juda uplika nani ba sin, rausasauhkra nani mita saura muni pâtka ba wahwisa. Witin nani ba silak ra mangkan sa bara sakaia want apia sa.

Jirimaya 50:34

Sakuna witin ra swaki sasakra ba sip pali sa, ai nina ba Dawan karnika sut brisa. Kasakka lâka ba witin mita daukbia; kupia kumi lâka ba ai uplika nani kuntrika ra yabia, bara sirang tara iwaia ba Babilon uplika nani ra yabia.”

Inanka Nani 3:58

Dawan, man mita trabilki nani tilara tâ baikanka aikisma, bara rayaki swaki sakisma.

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Sakaraya 9:16

Baha yua ra, Dawan ai Gâdka ba mita ai uplika nani ba swaki sâkbia sîp daknika kum baku, bara witin ai uplika nani ba ai kuntrika pali ra king kraunka walpaya pranakira nani baku ingwi kabia.

Matiu 12:29

“¿Baku sin nahki sip kabia ki upla kum waitna karnakira kum watla ra dimi, witin ba pas priskras kaka, ai dukia nani dakbia? Baku baman sip sa diara bri nani ba dakbaia.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 22:29

Jisas pana aisin: —Man nani lika tanis mamwahkisma, man nani sin Ulbanka ba tânka briras, Gâd karnika ba sin kaikras sma ba mita.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.