Jirimaya 31:10 - DAWAN BÎLA AISKA

¹⁰ “Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Jirimaya 31:10 ပူးပေါင်းရင်းမြစ်များ

Blasi Sturka 10:5

Naha nani sika Jafet kiamka nani takan ba, bara witin nani kabu un tasbaya ra iwan, taika kumi wina takan kiamka nani, bara baha tânka kat sin ai nisanka nani takan bara ai tasbaya kat iwan ai bîla kat sin aisin.

Lawana Nani 23:1

Dawan sika sepadki; yang diara sut brisna.

Lawana Nani 72:10

¡Prisant nani bara lal mana nani bri balbia, Tarsis kingka nani, kî dakura kingka nani wina, Sabá bara Sebá kingka nani sin!

Sins Lâka 27:23

Sîpkam nani ba nahki sa sapa kasak kaiki bas, kupiam ra sin daiwram daknika nani ra aman luki bas,

Aiseya 24:14

Baha nani pruras swak takan kabia ba lilia aibanhwan mita wini banhbia, muna wina sin witin ai bîla baikra blîkbia Dawan king tara ba kaikbia ba ra.

Aiseya 27:12

Baha yua ra Dawan ai warkka daukbia Éufrates wina Idsip awala kat plawar mâ kriki baku; sakuna man nani, Israel luhpia nani, asla mai kukan kabia kumi mai wahbi.

Aiseya 40:1

Man nani Gâdkam ba aisisa: “Upliki nani ba maisa nihks, man nani maisa nihks;

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 41:1

“Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 42:10

Aiwananka raya kum Dawan ra aiwani banhs; tasba tâ wala wina aiwans witin ai mayunra ba; man nani kabu ra bâra taukisma ba sin, kabu un nani ra iwisma ba sin, daiwan nani ba sin.

Aiseya 42:4

Witin ris bribia apia, dring sin swapbia apia, tasba ra kasakka lâka ba bapbia ba kat; kabu un ra iwi nani ba, man lâmka ba bîla kaiki kabia.”

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 54:7

“Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Aiseya 66:19

Bara witin nani ai tilara sain kum mangkamni: witin nani ai tila wina, tila nani ba plapi swak takan kabia, bara baha nani ba nisan wala nani ra blikamni, Tarsis ra, Libia ra, Lidia ra, witin nani trisba lulki ba kuntrika ra, Tubal ra bara Grik tasbaya ra sin. Kabu un ra laihura iwi nani, yang sturki kau walras nani ra, yang praina ba sin kaikras nani ba baha nani nisanka nani tilara, yang praina ba dahra witin nani aisabia.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 25:22

Tiro, Sidón kingka nani sut ra sin; Mediterráneo kabuka tawanka nani kingka ra sin yabri;

Jirimaya 3:15

Wihta nani yang bîli wali dauki ba yang mita mangki maikamna, bara sins bri lâka ra diara tânka kaiki lâka ni wihtkam aimaki kabia.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 50:19

Israel ba ai tasbaya ra kli waia daukamna, sîp kum Carmelo, Basán, Efraín ilka nani tilara, Galaad ra ai pata ailal pali piaia bri ba baku.

Isikiel 11:16

Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Isikiel 20:34

Yang sut asla daukamna tawan bara nisan nani tilara yakaban ba wina; karniki tara ba mangki bara kupi baiwanka wal klala yabri ba.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Isikiel 5:10

Man nani tilamra ai luhpia papira aisika nani bâra sa, bara luhpia nani sin ai papika ra pi nani ba bâra sa. Man mampara lâ ba daukamni, bara dîa takaskbia ba plis bani ra lakamna.

Isikiel 5:2

Tawan ba sauhki lubia ba ra, tâmwa mânka kum ba tawan lila kat angks; ba ningkara skiru kum bris tâmwa mânka wala ba klaki dauki tawan aiska ra yakabi swis, bara wala mânka yumhpa lika pâsa ra lulks. Bara yang lika upla nani ninara tawan ra wamni, mihti ra sord kum brih ki.

Daniel 11:18

Baha ningkara kabu un tani ra tawan nani ba mapara aiklabia bara baha nani wina ailal ba ai karnika mununhtara kauhan kabia, sakuna war lalka nani ba wina kumi bui naha swira lâka na yaka takaskbia, baha swira lâka ba kir laki yahbra tani kingka ra laki yabia.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Miqueas 4:6

Naha sika Dawan bui kasak aisi ba: “Baha piua ra sîpki nani asla daukamna, baha nani klala yabri ba; swapan, mina kriwan nani bara yakabrira nani ba. Witin nani, ya wal takaskuya nani ba, nisan karnakira daukamna. Yang, Dawan, tawanki ba tâ brimni Saion ilka wina, nanara bara ban kaia ra.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Sakaraya 10:8

“Yang bui witin nani ba paiwi asla kukamni, kan swaki sakri bamna. Witin nani kli ailal pali sauhbia patitara kata baku.

Sakaraya 2:6

Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks!

Sakaraya 9:16

Baha yua ra, Dawan ai Gâdka ba mita ai uplika nani ba swaki sâkbia sîp daknika kum baku, bara witin ai uplika nani ba ai kuntrika pali ra king kraunka walpaya pranakira nani baku ingwi kabia.

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Jan 10:27

Sîpki nani ba bîli baikra pain walisa; yang bui witin nani ba kakaira sna, bara witin nani nini blikisa.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Kli Smalkanka 30:4

bara man nani uplikam tasbaya wina alki tasba wala laihura bri si yakaban tauki ba, Dawan Gâdkam bui baha kat wih pliki kli bri balbia.

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.