Jirimaya 30:7 - DAWAN BÎLA AISKA

⁷ ¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Jirimaya 30:7 ပူးပေါင်းရင်းမြစ်များ

Blasi Sturka 32:7

Jekob baha bîla walan bara sibrin pali daukan, kasak ai kupia wal aisin. Bara witin ai uplika nani ba daknika wâl daukan, sîp nani, bîp, bara kiamil nani ba sin sut daknika wâl daukan.

Lawana Nani 25:22

¡Gâdki, man bui Israel ai trabilka sut wina swaki sâks!

Lawana Nani 34:19

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Aiseya 20:6

Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Jirimaya 14:8

Israel bîla kaikanka, piua karna nani tilara yang nani swaki ai sasakra, ¿dîa muni man upla tringsar kum wan tasbaya ra tauki ba baku taukisma ba, impapakra kum tihmia kum man takaski mahka auya ba baku?

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Inanka Nani 2:13

Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Daniel 12:1

‘Baha piua ra Maikel ba latan takbia, witin sika insal tara pali uplika nani kaina kahbi ba. ‘Baha piua ba lika kupia wirha piua kabia, upla nani iwan ba piua wina kau baha sât piua ba âpu kata, nisan nani bâra ba tilara. Baha piua ba aimakbia ba ra, man uplikam nani ba sut swaki sakan kabia, man wauhkamtaya ra ai nina ulbi mangkan nani ba.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Joel 1:2

Tawan almukka nani, naha na pain wali banhs, naha tasbaya ra iwi banhwisma nani sin sut. ¿Naha sut pâtka tara na, man nani piuam ra pat takan kaikram ki? ¿Aisikam nani yua ra sin, naha sât pâtka nani takan kaikan kata ki?

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Miqueas 4:9

Bamna nanara, ¿dîa kan man nani mairin ai luhpia baikaia latwanka brih ini ba baku, ban karna inisma? ¿Man nani tilamra kingkam brisma apia? ¿Apia kaka, lâ uplika nani ba sut pruan sa?

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Sakaraya 14:7

Baha yua ba aihka pali kabia, Dawan baman baha tânka kaikisa. Baha piua ra kakna wih tihmia wal aihka aihka apia, kumi ra kabia, kan ingni ba tihmia ra ban ingwi kabia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Mark 13:19

kan baha yua nani ra lika pât wahwanka tara kabia, bahmuna kau patitara piua ra âpu kan, Gâd mita tasba paskan wina, naika piua ra sin bahmuna yua âpu kabia.

Apastil Nani Sturka 2:20

Lapta ba tihmia takbia, kati ba lika tala baku pauni takbia, Dawan yua tara pranakira kau balras ba ra.

Roman 11:26

Ani piua baku takbia, bâra lika Ju nani ba sut swaki sâkbia, kan Ulbanka ba baku wisa: “Pri sasakra ba Saion wina balbia, bara witin mita Jekob wina saurka ba sâkbia.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”