Jirimaya 30:6 - DAWAN BÎLA AISKA

⁶ Man nani makabi wals, waitna kum aisubaia sip sa sapa. ¿Bara dîa muni waitna nani ba latwan bri ai warbisa, luhpa baikaia latwanka bri ba baku? ¿Dîa muni witin nani sut mawan tâlia âpu takan ba?

Jirimaya 30:6 ပူးပေါင်းရင်းမြစ်များ

Lawana Nani 48:6

Sirang ba mita, witin nani ai dawanka takan; bara mairin kwihra, tukta briaia latwanka baku takan;

Aiseya 21:3

Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Aiseya 29:22

Baha mita, Dawan, Israel Gâdka ba, Ebraham kli atki sakan ba, witin naku wisa: “Nanara wina Jekob kli swira daukan kabia apia, ai mawan sin kli ami pauni takbia apia.

Jirimaya 13:21

“Jerusalem, ¿man dîa wima, man mita smalkram uplika nani ba man nani puram wihta aimakbia kaka? Mairin kum luhpa baikaia latwanka bri ba baku latwan kum mai alkbia.

Jirimaya 22:23

Man nanara man wamtla ra âmyapah sma, yalam nani Líbano wina bri balan ba tilara, ¡sakuna pat pali pât wauhma latwan ba bal mai alkbia ba ra, luhpa baikanka latwanka ba!”

Jirimaya 4:31

Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 49:22

Waihla ba Bosrá mapara yakal tara ai tnawa ilingki aula ba baku balbia, baha yua Edom aiklaklabra nani ba mairin luhpa baikaia tatatwi ba baku tatatwi kabia.”

Jirimaya 49:24

Damaskus, pat karnika âpu takan, plapaia ridi sa. Sibrin mita witin ra taiban, kupia wirha takan, pât nani taiban, mairin luhpa baikaia ba baku sa.

Jirimaya 50:43

Babilon kingka ba baha sturka walan ba ra, sibrin mita wîna aiska srimisa, sari bri sibrin daukisa mairin luhpa baikaia latwan bri ba baku sa.

Jirimaya 6:24

Jerusalem ra upla nani ba aisisa: “Baha sturka ba yang nani walri, bara sibrin mita karniki âpu takan sa; yang nani kupi wirha bara latwan pali wahwisna, mairin kum luhpa baikaia ba baku.

Daniel 5:6

sibrin mita mawan ba pihni takan kata, bara wîna aiska ba tatatwi kan.

Oseas 13:13

Israel aisubi takaia piua ba aimakan, kuna tukta waitna skahwa aihwa kum ai wapnika ra aimakaia ba kat sin sip apia sa, aisubi takaia yabalka kat aimakaia.

Joel 2:6

Upla witin nani ra kaiki ba ra tatatwisa, ai mawan tâlia sin âpu takisa.

Nahum 2:10

Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.