Jirimaya 30:5 - DAWAN BÎLA AISKA

⁵ Dawan aisisa: “¡Sirang ikan ini banhwi ba yang walisna! ¡Sibrin daukisa, ai âuyapah apia sa!

Jirimaya 30:5 ပူးပေါင်းရင်းမြစ်များ

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Aiseya 59:11

Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 25:36

Sepad nani ba karna winisa, latwan mita karna winisa baha nani sîp daknika tâ bri ba, kan Dawan mita pata nani ba sauhkan bamna.

Jirimaya 30:4

Naha sika baha bîla nani Dawan aisin ba Israel bara Juda wal dahra.

Jirimaya 46:5

“Sakuna, ¿kaikisna ba dîa? Sirang tara iwi kli ai ninara tawi auya ba, aiklaklabrika nani ba pura luan yakabrira takan; taki plapi banhwisa, ai ninara tawi kaikras. ¡Tnaya kir sibrin tara bâra sa! Yang, Dawan, kasak aisisna.

Jirimaya 6:22

Dawan aisisa: “Laih pali yahbra tani tasbaya ba wina nisan karna pali kum ba balaia ridi takisa.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 8:16

¡Wan waihla ba pat aula! ¡Laih Dan ba wina araska nani kakma praukbi ba walisa! Araska nani ba ihbi bara tasba aiska nikbisa. Witin nani aula kuntri na bara yuyaka nani ba sut sauhki tikaia, tawanka tara nani, uplika nani bahara iwi nani sut sin.”

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Jirimaya 9:19

Laih Jerusalem latwan saura bri ini ba walisa: ¡Alai, nahki muni yawan naku wan slingbi wan sauhkanka na ra diman! ¡Saura wan kulkan pâtka yawan wahwisa! Yawan wan kuntrika swih waia sa, wan watla nani sut slingwan sa.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Abakuk 1:10

King nani bara upla tara kulkanka bri nani ra lawaska kikisa. Kan kahbaika pliska nani bri ba dukiara sin kikisa, tawan tnaya kutbanka pura bâk dimaia dusa nani mangki bara baha nani sut ba kutbi alkisa.

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.