Jirimaya 30:3 - DAWAN BÎLA AISKA

³ yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 30:3 ပူးပေါင်းရင်းမြစ်များ

Esdras 3:1

Israel luhpia nani ba pat kati 7 alkan ba ra, ai pliska nani bani ra ai watla nani mâki iwi banhwi kan, bara upla nani ba aidrubi Jerusalem ra asla taki banhwan.

Esdras 3:12

Bara prîs nani, Libait nani bara utla lalka nani manis pat almuk nani ba, witin nani tempel almuk ba kakaira kan, baha mita ai bîla baikra tara saki ini banhwi kata, kan witin nani kaikisa tempel ba kli raya mâkuya ba dukiara; sakuna wala nani lika lilia mita ai pura wini banhwi kan.

Esdras 3:8

Zorobabel, Salatiel luhpia waitna ba, bara Jasua, Josadac luhpia waitna, witin nani ai pânika prîs nani wal asla ba ra, Libait nani ba aikuki, baku sin kangbi sakan kan kli tawi balan uplika nani sut kira asla pali, mahka kli tempel ba paskaia warkka tâ krikan, naha lika kli Jerusalem ra balan piua wina mani wâl pura kati wâl ra tâ krikan, bara Libait nani 20 mani bri ba wina ai purara uplika nani ba mihta ra mangkan, Gâd tempelka mâkaia warkka ba.

Lawana Nani 126:4

Dawan, yang nani tasbayi ra kli ai brih was, tasba lâwan ra lî auhi ba baku.

Lawana Nani 53:6

¡Saion ilka ba wina, Israel swaki sakanka lâka ba balaia pan si! Dawan bui ai tawanka lukanka ba lakaia lukbia ba ra, Jekob kiamka nani ba lilia takbia, Israel uplika aiska ba sin.

Jirimaya 16:15

sakuna witin nani naku aisabia: ‘Dawan raya bamna, Israel luhpia nani ba yahbra tani kuntrika wina, kuntri wala nani ra yakabi swin ba wina sin saki bri balan.’ Yang daukamna man nani kli tasbayam ra balaia, damikam nani ra yabri ba tasbaya ra.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 27:11

Sakuna natka wala ra, Babilon kingka ra bawbia nisanka ba lika, witin nani tasbaya ra yang ban swimna, bahara takaski insla dauki kaia. Yang, Dawan, kasak aisisna.”

Jirimaya 27:22

‘Witin nani Babilon ra brih wabia sa kaka, bahara kabia ani yua yang want sna ba kat kli naha pliska ra bri balamna. Yang, Dawan, kasak aisisna.’ ”

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 30:4

Naha sika baha bîla nani Dawan aisin ba Israel bara Juda wal dahra.

Jirimaya 31:16

Sakuna Dawan bila wisa: “Raquel, kau inpara; kau namkra laya sâkpara, kan latwankam mana prisant brima: luhpiam nani kli waihla tasbaya wina balan kabia. Yang, Dawan, kasak aisisna.

Jirimaya 31:23

Dawan karnika sut bri ba, Israel Gâdka bila wisa: “Yang Juda uplika yamnika ba aihka daukamna ba ra, witin nani kli ai tasbaya ra balbia bara ai tawanka nani ra kli wibia: ‘¡Dawan yamni munbia naha ilka holikira ra kasakka lâka dauki ba!’

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 31:31

Dawan ba kasak aisisa: “Yua kum balbia bara yang daukamni lâ raya Israel bara Juda wal ra;

Jirimaya 31:38

Dawan ba kasak aisisa: “Yua kum balbia yang tawanki ba kli paskan kabia, Hananel tawerka wina kutbanka wih takaskan getka ba kat.

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 32:44

Tasbaya ba witin nani atkbia ba ra, atkan wauhkataya nani ulban ba sîl prakan ba witnis nani ai nina ulban ba sin kaikbia. Baha baku takbia Benjamín tasbaya ra, Jerusalem kir bara Juda tawanka nani ba sut, il nani tasbaya ba twi langni nani ba sut, Négueb tawanka nani ba, yang daukamna baha uplika nani sut kli tawi balaia. Yang, Dawan, kasak aisisna.”

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Jirimaya 51:60

Jirimaya wauhtaya kum ulban kan, baha pât tara nani sut Babilon purara balaia dahra aisin ba, wibia kaka dîa takaia ba sut,

Isikiel 20:42

‘Bara maikrika man nani Israel ra dimma, baha kuntrika pramis munri kan ba almukkam nani ra; bara man nani damra walma yang sika Dawan sna ba.

Isikiel 34:13

Kuntri tringsar ba wina sakamna, asla daukamna bara brih wamna klauna ai tasbaya ra. Brih wamna Israel untika ra piaia, bara lî kârma nani bâk, bara kuntri ra upla bâra pliska nani bâk.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Isikiel 47:14

Yang swer takri almukkam nani ra naha tasbaya na yabaia. Kumi bani sim yahpika aikuki bribia. Naha kuntrika na diara briaia kan ba baku bribia.

Joel 3:1

Dawan aisisa: “Baha piua nani bal aimakbia ba ra, yang daukamna, upla nani Juda bara Jerusalem wina saki alba briaia priski brih wan nani ba kli balaia.

Sofonías 2:7

Juda uplika nani baha yua pâtka ra pruras swak takan kabia nani ba, Dawan ai Gâdka, witin nani tâwan aimaki balbia bara ai kuntrika ba bribia, bara piua yamni ra witin nani dimbia. Bara bahara ai daiwra daknika nani ba kaiki tihmia ra Ascalón watla nani ra dimi yapi kabia.

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”

Luk 17:22

Bamna ai disaipilka nani ra win: —Yua nani balbia ba ra, man nani want pali kama, Upla Luhpia Waitna piua kum, apia kaka wiria pan kaikaia, sakuna sip kaikma apia.

Luk 19:43

Bamna piua saura nani man ra balbia, bara man waihlam nani mita tnamya kir kutbanka daukbia; witin nani sin tnamya bani wina bal taki mai alkbia,

Luk 21:6

—Yua nani balbia ba ra, naha diara nani man nani kaikisma na sut sauhki tikan kabia, bara walpa kumi sin walpa wala purara ban swin kabia apia.

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,

Kli Smalkanka 30:5

Dawan mita daukbia man nani kli tawi damikam nani kuntrika ra balaia, witin nani iwi kan ba ra man nani mita yus munma; bahara witin mai daukbia luhpiam nani kau ailal sahwaia damikam nani sahwan ba wal.

Hibru Nani 8:8

Sakuna Gâd mita ai uplika nani aimawahki tauki nani ba sakan, witin nani dukiara ulbanka ra wisata ba baku: “Dawan naku wisa: Yua nani balbia, bara Israel luhpia nani bara Juda uplika nani aikuki sin kli lâ raya kum daukamna.