Jirimaya 30:21 - DAWAN BÎLA AISKA

^21-22 Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Jirimaya 30:21 ပူးပေါင်းရင်းမြစ်များ

Blasi Sturka 18:27

Sakuna Ebraham bila kli witin ra aisin: —Pâtki ban swin tiks, yang aisaia apia kapri dukia ba kuna ban aisuna na. Man ba Gâd sma, yang lika upla bahki sna;

Blasi Sturka 18:30

Sakuna Ebraham kli aima wala ra Dawan ra makabi pali aisin: —Dawanki, man ra puri suni kli mamkabi walisna, yang ra kupiam baikpara, sakuna nahki sa ban kra man upla 30 baman sâkma kaka... Bara Dawan pana witin ra win: —Baha nani 30 baman dukiara sin tawanka ba sauhkras ban swimna.

Blasi Sturka 18:32

Sakuna Ebraham kau ban taibi aisi kan: —Dawanki, pliskam pali, yang wal kupiam baikpara, sakuna kau aima kum pan naha kat kli mamkabi walaisna: ¿man upla matawalsip baman bahara sâkma kaka, ban sauhkma? Bara Dawan bui witin ra win: —Baha nani matawalsip ba dukiara sin, yang tawan ba sauhkras ban swimna.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

Nihimaya 7:2

Baha ningkara muihki Hananí bara Hananías wal ra adar yabri, witin nani ba Jerusalem tawanka bilara kan kahbaika pliska ba kamandantika kaia, witin ba waitna kasakkira, upla witin nani ra kulkanka yabi kan bara Gâd ra sibrinka bri kan.

Lawana Nani 65:4

Yamni pali sa, baha uplika man bâk saki briram ba; brih wama man lamara bâra iwi kaia, man tempelkam rumka bîla nani ra. ¡Banhki wan dauks, man wamtla ra diara kau pain brisma ba ni, man tempelkam watla holikira bilara ba wal sin!

Lawana Nani 89:29

Ai kiamka nani ba, ban king aimaki kabia, ban kaia ra kasbrika purara bâra sa piua ra.

Impakan Sturka 3:5

Bara Dawan bui Moses ra aisin: —Kau laimara balpara. Sûskam ba minam wina sâks, tasbaya minam taibi sma ba sunu sa bamna.

Aiseya 63:1

—¿Naha ya Bosrá wina aula ba, Edom kiapitalka ba wina, ai prâka ba laya pauni ni pauni daukan ba, ai prana tara wal ai prâka dimi aula ai karnika tara wal wapi ba? —Yang sika, aiklabi pura luaia ba dukiara aisisna ba, bara karnika brisna swaki sakaia.

Jirimaya 30:9

Witin nani bui yang warkki daukbia, ai Dawanka bara ai Gâdka sna, bara Debit ra, yang mita king mangkamni.

Jirimaya 33:15

Baha yua ba balbia ba ra, yang daukamna Debit witin ai kiamka pali bribia, bara kasakka lâka, wapni lâka ba sin naha kuntrika ra bapamni.

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Matiu 2:2

bara makabi walan: —¿Anira sa Ju nani kingka aisubi takan ba? Yang nani ai slilmika laih lalma ra kaikri, bara nahara balri witin ra luli kriki mayunaia.

Matiu 27:37

Ai pâtka tânka ba dukiara, lal purara bîla nani ulbi mangkan. Ulbanka ba naku kata: “Naha sika Jisas, Ju nani Kingka ba.”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Luk 24:26

¿Bamna Misaya dukia apia kan ki naha pâtka nani wahwi si, ai prana ra dimi iwaia?

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

Kli Smalkanka 17:15

Dawan Gâdkam mita man nani uplikam wina pliki sâkbia bara man nani nisankam kingka brima. Tringsar kum man uplikam apia sa kaka, king baku bripara.

Kli Smalkanka 18:18

Yang yarka witin nani ai uplika tila wina prapit kum takbia man baku, bara yang dîa wiaia adar yabamna ba baha ba witin aisi kabia, wibia bara kli sin wiaia.

Kli Smalkanka 33:5

tawan wihtka nani asla taki kan piua ra, bara Israel kiamka nani asla taki piua ra Jesurún ra king bâra kan.”

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”