Jirimaya 30:19 - DAWAN BÎLA AISKA

¹⁹ Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 30:19 ပူးပေါင်းရင်းမြစ်များ

Esdras 6:22

Witin nani brit îs âpu dauki, yu 7 baha yua liliaka ba dauki kan, Dawan mita Persia kingka kupia swapni daukan, bara yaban witin nani ra umpira kaikan, bara sin kau ni tâ baikan, Gâd, Israel Gâdka tempelka mâkan liliaka dauki ba ra.

Nihimaya 8:12

Bara upla nani ba plun piaia bara diaia wi banhwan, ai walka nani ra sin plun yabaia bara ai lilia tara pali briaia, baha bîla nani smalkan ba, witin nani tânka kasak brin bamna.

Nihimaya 8:17

Bara upla nani sut alba lâka ra kan wina kli balan nani ba, utla papakni ba mâki bâra dimi banhwi kata, kan Nun luhpia waitna Jasua yua ba wina baha yua kat, Israel luhpia nani ba kau naha utla papakni na mâkras kan, bamna lilia lâka tara pali witin nani bri banhwi kan.

Lawana Nani 53:6

¡Saion ilka ba wina, Israel swaki sakanka lâka ba balaia pan si! Dawan bui ai tawanka lukanka ba lakaia lukbia ba ra, Jekob kiamka nani ba lilia takbia, Israel uplika aiska ba sin.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 26:15

upla nani ba man mita ailal daukram, Dawan, man upla nani ba ailal daukram, witin nani man pramna dukiara, tasba aiska lainka nani kat man bui upla nani ba yakabi lakram.

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Aiseya 55:5

Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 60:19

“Kakna ra lapta ingnika kli want apia kama, kati wina sin ai ingnika tihmia ra want apia kama. Yang, Dawan, man ingnikam kamna, man Gâdkam ba, man pramna ban kaia ra, yang ingnikam kamni.

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Jirimaya 17:26

Juda tawanka nani Jerusalem kir ra bâra ba wina upla nani balbia, Benjamín tasbaya wina sin, il kuntrika nani Négueb ra bâra ba wina sut. Daiwan nani tempel ra bri balbia aiska angkaia, bara sakripais wala nani daukaia plun nani prisantka sin, bara dus mâka ba ra tingki wiaia prisantka nani sin.

Jirimaya 3:16

Ani yua man nani upla ailal pali kuntrikam ra sauhkma, bara luhpiam nani ailal pali brima ba ra, upla kumi sin kli Dawan lâka auhbaika watla ba dukiara aisabia apia; upla kumi sin bahara luki kabia apia, baha dukiara sin kli kupia krawbia apia; baha sin want apia kabia, raya wala sin paskbia apia. Yang, Dawan, mai wisna.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Jirimaya 33:22

Duki dadaukra Debit kiamka nani ba, yang warkki dadaukra nani ba, Libai kiamka nani ba slilma ailalka kasbrika purara bâra ba baku, auhya ailalka kabu ra bâra ba baku ailal daukamni, baha nani numbika upla kumi sin sip kulki sâkbia apia.”

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Isikiel 37:10

Yang Dawan nina bri smalkri, witin ai win kan ba baku, bara raya kaia wingka puhbra ba balan witin nani ra bal diman, bara witin nani rawan bara buan. Upla ailal pali luan, suldiar kwâra tara pali takan.

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Sakaraya 10:8

“Yang bui witin nani ba paiwi asla kukamni, kan swaki sakri bamna. Witin nani kli ailal pali sauhbia patitara kata baku.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Jan 17:22

Man prana aikatma ba sika yang bui witin nani ra yâri, witin nani ba asla kumi kaia dukiara, man ba yang wal asla kumi ba baku.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.