Jirimaya 30:18 - DAWAN BÎLA AISKA

¹⁸ Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 30:18 ပူးပေါင်းရင်းမြစ်များ

1 Kronikas 29:1

Baha ningkara aidrubanka aiska ra king Debit bui win: “Luhpi Salaman baman sa Dawan bui bâk sakan ba, witin wahma pali sa, mani kulki baman brisa, sakuna wark na lika tara pali sa, kan tempel ba upla dukia apia sa, sakuna baha ba Dawan dukia sa.

1 Kronikas 29:19

Baku sin luhpi Salaman ra kupia wapni kumi yas, baku mika man lâmka nani ba alki bri kabia, man witniskam bîla nani dîa lâ nani aisi mangkram ba sin, bara baha nani sut ba sin dauki kabia, bara tempel watla ba mâkbia, baha dukiara yang diara nani sut asla daukri ba.”

Nihimaya 7:4

Kan tawan ba bîla tara kan, sakuna upla lika wiria pali bilara kan, utla nani ba kau kli mâkras kan ba mita.

Lawana Nani 102:13

Man bus bara Saion ra umpira kaiks, piua ba aimakan sa; saurka swi tikaia yua ba pat aimakan sa.

Lawana Nani 102:14

Nampakan nani ai walpaya nani ra latwan kaikisa; ¡sauhki tikan ba dukiara sarka brisa!

Lawana Nani 122:7

Kupia kumi lâka bâra kabia, man kutbankam nani ba bilara; man king wamtla bilara nani ba sut, yamni man iwi kabia.”

Lawana Nani 48:13

aman kaiks, kutbanka nani ba, bara king watla nani ba sin; baku mika man nani, naika ra kiamka nani bal tasbaya ra wiaia dukiara.

Lawana Nani 48:3

Dawan ba Jerusalem king watla nani ra bâra sa; Dawan bui yaban sa kaikaia ai yukuwaika watla ba.

Lawana Nani 78:69

Dawan wal prawaia watla kum mâkan, purara pali, kasbrika pura ba baku, bara ban kaia ra bapi swin, sim tasba ba baku.

Lawana Nani 85:1

Dawan, man naha kuntrikam na wal pain pali kapram. Jekob liliaka kata ba kli laki yabram sa.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 29:11

Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 31:23

Dawan karnika sut bri ba, Israel Gâdka bila wisa: “Yang Juda uplika yamnika ba aihka daukamna ba ra, witin nani kli ai tasbaya ra balbia bara ai tawanka nani ra kli wibia: ‘¡Dawan yamni munbia naha ilka holikira ra kasakka lâka dauki ba!’

Jirimaya 31:38

Dawan ba kasak aisisa: “Yua kum balbia yang tawanki ba kli paskan kabia, Hananel tawerka wina kutbanka wih takaskan getka ba kat.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Jirimaya 32:15

Dawan karnika sut bri ba, Israel Gâdka ba, naku aisisa: Naha tasbaya ra naika upla nani kli balbia utla nani, wain nasla nani atki briaia.’

Jirimaya 32:44

Tasbaya ba witin nani atkbia ba ra, atkan wauhkataya nani ulban ba sîl prakan ba witnis nani ai nina ulban ba sin kaikbia. Baha baku takbia Benjamín tasbaya ra, Jerusalem kir bara Juda tawanka nani ba sut, il nani tasbaya ba twi langni nani ba sut, Négueb tawanka nani ba, yang daukamna baha uplika nani sut kli tawi balaia. Yang, Dawan, kasak aisisna.”

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Jirimaya 46:27

“Duki dadaukra, Jekob uplika nani, si bripara; Israel, si bripara. Man bara luhpiam nani ba swaki sakamni tasba wala ra bahara silak ra mangkan ba wina. Kli kupiam kumi iwi kama, âmyapah, upla kumi sin sirang mai ikbia apia.

Jirimaya 49:39

Sakuna naika Elam ba kli sât wala takbia yamniki nani yabamna ba ra, Yang, Dawan, kasak aisisna.”

Jirimaya 49:6

Sakuna piua balbia yamniki nani ba Amón ra kli yabamna. Yang, Dawan, kasak aisisna.”

Isikiel 36:11

Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Emus 9:14

Upliki Israel nani priski tasba wala ra brih wan ba, yang kli bri balamna, tawanka nani sauhki swin kabia ba sin, witin bal kli paski bahara iwbia, wain nasla nani sin daukbia, wain laya sin di kabia, insla nani dauki plun mangki ai pata mâ nani saki pi kabia.

Sakaraya 1:12

Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 12:7

“Ban sakuna, Juda taika nani ba pas, yang, Dawan mita, swaki sakamna, Debit masraka bara Jerusalem ra iwi nani ba sin, Juda masraka nani ba wal kau tara kulkan kaia apia ba mita.

Sakaraya 14:10

Naha tasbaya aiska tasba langni takbia, Gueba wina Rimón, Jerusalem waupasa tani ba kat. Bara Jerusalem ba, purara bukan kabia baha tasbaya langnika ba Benjamín getka ba wina Walpa Kutbanka un rayka Dimaika ba kat (baha ba kan piua ra Get Almuk mâki kata ba); bara Hananel aihwakaika ba wina king batana laya taibi saki ba watla nani kat kulkisa, bahara upla nani iwi kabia.