Jirimaya 30:17 - DAWAN BÎLA AISKA

¹⁷ Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Jirimaya 30:17 ပူးပေါင်းရင်းမြစ်များ

Job 5:18

Witin bui mai insauhkbia kaka, witin mita kwala ni wilkbia; ai mihta ni latwan maikbia kaka, witin wina daskaika ba maikbia.

Lawana Nani 103:3

Witin bui yang watawanki nani sut ba, swih tikisa, witin bui yang sikniski nani sut ba wina ai rakisa.

Lawana Nani 107:20

witin ai bîla ba blikan, bara witin nani ra rakan; raiti bîla ba wina lanhkan.

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Lawana Nani 23:3

Karniki raya aikisa bara kasakka yabalka nani bâk ai bri auya, witin ai nina kulkanka lâka dauki.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 33:24

Bara iwi nani ba wibia apia: “Yang siknis sna.” Bahara iwi uplika nani watawanka nani ba Gâd mita ban swih tikan kabia.

Aiseya 54:6

Man maya mairin tiara kum baku sma, lulki mai swin bara sarikira sma, sakuna man Gâdkam kli mai winan, bara mai wisa:

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Aiseya 58:8

Bâra mika ingnikam ba bal takbia yu baiwi uluya ingnika ba baku, bara man insauhkankam ba, isti pali pain takma; bara kasakkam lâka ba kainamra wabia, bara yang praina ba man wal kabia.

Aiseya 60:15

Kli misbara mai kaiki, yakan mai lulki mai swibia apia, yang mita daukamna man pramna ba ban kaia lilia ba man wal ban kaia.

Jirimaya 10:20

Yang tintki ba slingban sa, kiwa nani ba sut dakban sa. Luhpi nani ai lulki ai swin, ¡witin nani bâra âpu sa! Ya mita kli tintki ba bukaia âpu sa, kwala twakni ba sin ya mita kli pamaia ba kaikras.

Jirimaya 17:14

Dawan, siknis wina ai râks, bara aiska rawi takamna; swaki ai sâks, bara aiska swaki ai sakan takamna, man ra baman yang mamyunisna bamna.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 30:13

Upla âpu sa man warkkam daukaia; upla âpu sa insauhkankam ba sîka mangkaia, man rawaia tânka âpu sma.

Jirimaya 33:24

“¿Upla nani aisi ba man walras sma ki Israel bara Juda wal kiamka nani ba yang pali mita bâk saki briri ba lulki swiri ba? ¡Baha mita yang upliki nani ba witin nani saura kaikisa, nisan kum ra kaiki baku kaikras!

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Jirimaya 8:22

¿Galaad ra sîka kum pan âpu sa ki? ¿Upla raki uplika kum bâra âpu kabia ki? ¿Dîa muni witin bui yang upliki nani ba rakras sa?

Inanka Nani 2:15

Baha nani yabal ra lui nani ba, ai mihta pruki kira ni puram winisa; Jerusalem pranakira ba dukiara, wasbi, ai lal wauhi pura wini aisisa: “¿Naha tawanka apia ki, tasba aiska ra kanra pranakira sa wi kata ba?”

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 35:12

Baha ningkara man bui yang ra ai kaikma yang, Dawan, man lahtuban bîla nani sut Israel ilka nani mapara aisisatma ba yang walri ba, Man wiram: ¡Upla iwras tasbaya takan; nanara yawan sip sa baha âpu daukaia!

Isikiel 36:20

Sakuna ani ani kuntrika ra witin nani auya ba, nini holikira ba sauhki kata, kan upla nani aisi kan: ‘Naha nani na Dawan uplika nani sa, sakuna ai kuntri wina takaia kan.’

Oseas 11:3

Witin nani baku dauki kan sakuna, Efraín kiamka nani ba, yang ban tapahki kapri. Bara yang smalkri nahki wapaia ba; sakuna witin nani tânka briras kan yang bui witin nani ra main kaiki kapri ba.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

Param Marikanka 22:2

Tawan wakpaska lilapas ra bara awala baila wâlsut ba ra raya kaia dusa ba pâwi kan kati bani ai mâ saki kan, baha sika mani kumi bilara ai mâ 12 saki kan; bara dusa wahia nani ba nisan nani ba rakaia dukiara kan.