Jirimaya 30:16 - DAWAN BÎLA AISKA

¹⁶ Sakuna ya aiska mai sauhkbia ba aiska sauhkan kabia, waihlam nani ba sut priski brih wan kabia; dukiam nani mihtam dakbi brin ba sin mihta kli dakbi briaia daukamna, dukia na impliki brin nani ba dukia sin implikaia kabia.

Jirimaya 30:16 ပူးပေါင်းရင်းမြစ်များ

Lawana Nani 129:5

¡Saion ra waihla kaiki nani ba ai swira taki sut plapbia!

Impakan Sturka 23:22

Sakuna man nani kasak pali witin ai bîla wali dauki kama kaka, yang mai wîri ba kat, yang lika man nani waihlam nani wailhka kamni. Bara baha nani man nani mampara bubia ba, yang mita witin nani mapara buamni.

Sins Lâka 22:23

lâ dauki tilara Dawan bui witin tâwan aisabia bamna, bara taiban kabia ya tataibra ba.

Aiseya 14:2

Nisan nani ailal ba Israel luhpia nani ba bribia, ai tawanka ra sin bri balbia; Israel watla uplika nani ba mita, witin nani ba ai albika ai dukia dadaukra nani baku bribia Dawan tasbaya ra; witin nani, Israel luhpia nani ra priski brih wan ba, nanara pana baha nani ra priski brih balbia, Israel ra taiban ba nanara pana baha nani dawanka aimakbia.

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 54:15

Upla kum man mampara bubia kaka, witin yakan daukbia, yang lika witin tilara âpu sna; ya man mampara bubia ba, witin ba man mamwanra kauhbia.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 30:15

¿Dîa muni brukwisma insauhkan nani brisma ba tâwan? Sarkam ba tikaika âpu sa. Watawikam lâka ailal pali ba tâwan, yang baku mai munri.

Jirimaya 50:28

(Babilon wina plapi swak takan nani ba Saion ra wan bara sturi aisin, Dawan yawan wan Gâdka nahki Babilon nani ra daukan ba ai tempelka sauhkan ba tâwan, dîa pana munaia kan ba kat munan dahra ba.)

Jirimaya 8:16

¡Wan waihla ba pat aula! ¡Laih Dan ba wina araska nani kakma praukbi ba walisa! Araska nani ba ihbi bara tasba aiska nikbisa. Witin nani aula kuntri na bara yuyaka nani ba sut sauhki tikaia, tawanka tara nani, uplika nani bahara iwi nani sut sin.”

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Inanka Nani 1:22

Witin nani saurka daukan ba sut yas man mamwanra balbia; bara witin nani ra muns yang ra ai munram ba baku, ai saurka ba tâwan, kan yang inanki nani ba ailal sa; ¡kupi sin kriwan, siknis sni!

Isikiel 29:6

Idsip ra iwi uplika nani sut ai dara walbia, yang sika Dawan sna ba. Israel tawanka ba, ai tâ baikma wisi mai plikan, kuna man ba kayu baku katma:

Isikiel 35:5

‘Man ba Israel wal ban kaia ra waihlam sa, bara man nani bui witin nani mapara war bukram, witin nani ai klalka bri kan piua ra saurka tâwan.

Joel 3:8

Luhpiam waitna nani, luhpiam mairin nani ba sin Ju nani ra atkamna, witin nani kli tawi sabeo nani ra atkaia, laih tasba wala ra brih waia. Yang, Dawan, baku daukaia aisari.”

Miqueas 4:11

Nanara sika nisan ailal asla takan sa, man nani mampara balaia; witin nani wisa: “¡Kaisa yawan lilia takaia Jerusalem ba aisawi tiwuya ba dukiara!”

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Nahum 1:8

Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Abakuk 2:16

Baha daukram ba tâka mita, yamni mai kulkan kan lâka ba swiram mai daukaia lâka ra tawbia, bamna Dawan ai kupia baiwanka kapka ba maikka dima; bara mamrikbia man kupiam ra Dawan lâka âpu sma ba, pramna maikan kan ba mai kulkanka âpu lâka ra tawbia.

Sofonías 2:8

Karnika sut alki bri Dawanka, Israel Gâdka ba, naku aisisa: “Moab uplika nani mita upla nani swira dauki kan ba walri. Amón uplika nani mita sin saura muni kan ba kaiki, witin nani upliki nani ra swira daukan, upliki nani tasbaya ra iwi, witin nani tara takan. Yang raya ban sna bamna swer taki aisisna: Sodoma uplika ra dîa takan ba baku, Moab ra takaia, Amón uplika nani ra sin, Gomora ra dîa takan ba baku takbia. Kiaya nani pâwaika langnika bara sâl sakaia tasbaya sin takbia; plis kum ban kaia ra yakan takaskaia ba. Upliki nani pruras swak takan kabia nani ba, bal dukia nani ba brih, bâra ai tasbaya ra iwbia.”

Sakaraya 1:14

bara baha ningkara witin ai win, yang naha bîla naku aisamna: “Karnika sut bri ba Dawanka ba, naku aisisa: ‘Yang lika Jerusalem ra latwan pali kaikisni, Saion ilka ra sin.

Sakaraya 1:15

Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan.

Sakaraya 12:2

“Yang bui Jerusalem ba wain laya kapka kum baku daukamna, bara nisan nani sut ai lamara iwi ba bla taki banhbia. Witin nani Jerusalem kutbi bribia, bara Juda tawanka tara wala nani ba ra sin aiklabia.

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.

Sakaraya 2:12

Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Kli Smalkanka 30:7

Dawan mita naha lahtubanka nani man nani waihlam nani purara blîkbia, bara misbara mai kaiki bliki nani ra sin.

Param Marikanka 13:10

“Baha nani silak ra mangkaia kan ba silak ra brih wan kabia; bara ani uplika sord ni ikaia kan ba, sord ni ikan kabia.” Nahara kaikbia Gâd uplika kasakka lukan ba nahki bapi buaia ba sin.

1 Samuil 17:53

Filisteo nani ba nina blikan ba ningkara, Israel luhpia nani ba kli tawi bal kiampka ra wih, dukia nani sut brin.