Jirimaya 30:14 - DAWAN BÎLA AISKA

¹⁴ Lilam nani ai âuya mai tikan; man ra luki kli trabil takras. Yang bui man ra klala maikri, yang na man waihlam baku, klala karna pali maikri watawi lâka ailal daukram ba tâwan, saurkam nani kulki sakaia sip âpu ba tâwan.

Jirimaya 30:14 ပူးပေါင်းရင်းမြစ်များ

Job 16:9

Dawan mita nini bliki bisbi ai tikisa, daiwan kras baku sirang ai ikisa, waihli kan baku ai nakra ni laki ai kaikisa.

Job 19:11

Ai lawanka tara ba purira brih balan sa, ai waihla kum ra baku ai munan sa.

Job 30:21

Yang maipara kupiam karna daukram, mamwan lawikira nini blikisma.

Lawana Nani 107:17

Witin nani ai watawanka bara ai saurka nani tâwan siknis takan bara sari man banhwi kan,

Aiseya 57:13

Man hilp want winma aidulkam nani ba mita swaki mai sakaia apia, sakuna witin nani sut ba pâsa mita bri wabia, wingka puhbanka kumi ba mita witin nani ba lap tikbia. Ban sakuna, witin nani yang ra ai lukanka mangki bri ba tasba na ai dukia bribia, bara yang ilki holikira Saion ba alki bribia.”

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Jirimaya 22:20

“¡Juda, Líbano ilka purara uli wins! ¡Bîlam baikra karna wins Basán ilka nani ra! ¡Abarim kiuhsika nani ba wina wins lamtwankira nani ra pat pura luan bamna!

Jirimaya 22:22

Pâsa mita wihta tara nani ba sut bri balbia, lamtwankira nani ba tasba wala ra brih wabia. Swiram mai daukan laya ra mai kulkan kabia watawika lâka nani daukram ba tâka mita.

Jirimaya 30:15

¿Dîa muni brukwisma insauhkan nani brisma ba tâwan? Sarkam ba tikaika âpu sa. Watawikam lâka ailal pali ba tâwan, yang baku mai munri.

Jirimaya 32:29

Baha Caldea uplika nani latara bâra ba tawan ra dimbia bara pauta ni tawan ba angkbia; utla nani utla bahna ra mâkan nani ba sin angkbia yang ra kupi baikbia, witin nani Baal ra, kakaira apia gâdka nani ra sakripais kîa pain nani angki, wain yabi dauki kan.

Jirimaya 32:30

Blasi piua wina Israel luhpia nani bara Juda uplika nani ba yang saura kaikisna ba dauki kan; Israel luhpia nani aidul nani paski yang kupi sauhki ba takaskras ban sa. Yang, Dawan, kasak aisisna.

Jirimaya 32:34

Witin nani ban wih yang tempelki aihka saki aikan ba sin tâski daukan, witin nani paskan aidulka tâski ba baha bilara bri si swin.

Jirimaya 32:35

Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Jirimaya 38:22

mairin nani sut Juda kingka watla ra kan ba Babilon wina aiklaklabra wihtka nani ba bal saki brih wan kabia, bara mairka nani ba naku aisi kabia: ‘King ai uplika nani kau pain bri kan ba mita tawi kunin muni pura luan; mina ba drapapa kat dingkaia dauki si ai nina tawi mahka wan.’

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 5:5

Bara yang wîri upla diara tânka bri nani ba wal aisamni. Witin nani lika, namhpa namhpa lukras kira, Dawan dîa brin dauki ba Gâd adarka nani ba tânka bribia. Sakuna witin nani sut sin Gâd mapara buan, bîla wali daukaia apia win.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 50:42

Trisbaya nani langsa nani brisa; upla krakraka nani, upla ra umpira kaikras, winanka nani ba baku bin tara dauki baku sa, aras nani ra uli impakisa. Witin nani ridi pali sa Babilon mapara aiklabaia.

Jirimaya 6:23

Trisba nani bara sord nani brisa; witin nani lika upla ra umpira kaikras, saura rausauhkisa; winanka nani ba kabu binka tara baku sa, aras ra uli aula. Saion mapara aiklabaia ridi sa.”

Inanka Nani 1:19

Laitwankira nani ra hilp makabri, sakuna witin nani sut kunin baman ai munan. Yang prîski nani, almukki nani sin sut, tawan bilara prui tiwan sa: ¡witin nani plun pliki kan ai karnika brih raya iwi kaia dukiara!

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Isikiel 23:22

Baku bamna, yang Dawan sna ba, naku wisni: Yabrika lilam nani sîam takan ba, kli waihlam takan kabia. Plis sât sât wina mampara buaia daukamna,

Isikiel 23:9

Bahamna ai lila nani mihta ra swiri, Asiria uplika nani ra, baha nani dukiara ai âuyapah takan,

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Daniel 9:13

Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Abdías 1:7

Man wal uplikam nani takan ba sut, kunin mai munan; tasbayam pali wina sin mai kangban, uplikam pali aihwa nani ba mita sin man mampara buan, witin nani ra luki tniwi katma ba uplikam nani bui minam alkaika yabalkam ra mangkan. ¡Edom lika sins lâka âpu!”