Jirimaya 30:13 - DAWAN BÎLA AISKA

¹³ Upla âpu sa man warkkam daukaia; upla âpu sa insauhkankam ba sîka mangkaia, man rawaia tânka âpu sma.

Jirimaya 30:13 ပူးပေါင်းရင်းမြစ်များ

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Job 5:18

Witin bui mai insauhkbia kaka, witin mita kwala ni wilkbia; ai mihta ni latwan maikbia kaka, witin wina daskaika ba maikbia.

Lawana Nani 106:23

Gâd aisin sauhki tikaia; sakuna Moses, witin bâk saki brin uplika ba tilak dimi witin nani tâwan aisin; bara Gâd ai kupia sauhkanka ba lamni daukan, baku bamna yaban sauhki tikras kan.

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Aiseya 1:6

Man nani minam bîla wina lamla bahna kat, diara yamni kumi sin âpu sa; baha sut ba, insauhkan baman, prukan baman, taya sukwan baman sa; sîka mangkras, kwala wilkras, batana laiki latwanka ba sin daskras.

Aiseya 59:16

Dawan witin baha kaiki tâ iwan, bara aihka lukan upla kumi sin âpu kan, witin tâwan aimakaia ba; bara Dawan ai karnika ba ni wark daukan, ai kasakka lâka ba dauki pura luan.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 17:14

Dawan, siknis wina ai râks, bara aiska rawi takamna; swaki ai sâks, bara aiska swaki ai sakan takamna, man ra baman yang mamyunisna bamna.

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Jirimaya 46:11

“¡Idsip uplika nani, sîka pliki Galaad ra was! ¡Sakuna sîka nani pliki brima ba, man nani ra hilp âpu kabia, sîka âpu man nani mai rakaia!

Jirimaya 6:7

Jerusalem wina sika watawika lâka urhwisa, liwanhta wina lî kârma kururwi ba baku. Lâ krikanka diara sauhkan sturka baman walisna; insauhkan nani ba latwan bri ba baman kaikisni.

Jirimaya 8:22

¿Galaad ra sîka kum pan âpu sa ki? ¿Upla raki uplika kum bâra âpu kabia ki? ¿Dîa muni witin bui yang upliki nani ba rakras sa?

Inanka Nani 2:13

Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Isikiel 22:30

Yang baha uplika nani tilara plikri, upla kum bâra kabia sapa tawan dukiara luki ba, bara yang ra tawan ba aisabia diara sauhki tikamna apia dukiara; ban kuna yang sakras.

Isikiel 30:21

“Yang bui king fero klahkla krikri, Idsip kingka ba, bara upla kum sin rakras, blakras sa sin, ai karnika brih kli ai sordka alkaia.

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Nahum 3:19

¡Sîka âpu, wînam insauhkanka nani ba yukaia! ¡Wînam sukwanka nani sukwi ba rakaia saika âpu sa! Bamna ya man sturkam walbia ba, witin ai mihta pruki puram wini kabia. Kan, man saura daukaia warkka nani daukram ba, ¿ya pali ra baha saurka tâskika ba alkras sa ki?”

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.