Jirimaya 3:25 - DAWAN BÎLA AISKA

²⁵ Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 3:25 ပူးပေါင်းရင်းမြစ်များ

Lawana Nani 106:6

Yang nani aisiki nani wal baku saura daukri, yang nani warha lâka daukri, yang nani saura daukri.

Lawana Nani 106:7

Wan aisika nani Idsip ra man bui diara aihkakira nani daukram ba, tânka briras kan; man kupiam latwanka lâka tara nani daukram ba ai âuya tikan, Kabu Pauni kat bal, man mampara buan.

Lawana Nani 109:29

¡Yang waihli nani ba sut, swira tara ni aibanhbia! ¡Witin nani ai swira ni, pura prakaika kum baku pura prakan kabia!

Sins Lâka 13:18

Umpira bara saura pali kulkan kabia, baha nani smalkanka ra saura kulkbia ba, kulkanka tara bribia ya smalkanka ba walbia kaka.

Sins Lâka 5:13

¡Walan ai daukras kan smasmalkriki nani ra, kiaima pri tniki walras kapri, dîa ai smalki nani ra,

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Aiseya 50:11

Sakuna baha nani sut pauta klauhan muki ba bara trisbaya nani aswi ba, ridi dauki ba witin nani baha pauta klauhan kat kli ambia, witin nani ai pata klauhan ba ra kli tawi kauhbia, man nani mihtam ni trisbaya nani pauta klauhan daukram ba munhtara. Baha klalka ba Dawan mita man nani ra blîkbia, bara baha pâsa saura lika prawi kama.

Jirimaya 11:13

Juda gâd nani ailal pali brisa tawan nani ailal bri ba baku, Jerusalem ra iwi uplika nani ba sin kîa pain angki Baal ra yabaia altar nani ailal paskan sa tawan ra yabal ailal ba baku.

Jirimaya 12:13

Witin nani plawar mâ mangkan sakuna kiaya dâkan; wark nani daukan ba sut bahki takan. Pata mâ nani ba sut aisawi luan yang lawanki ba tâka mita.”

Jirimaya 14:20

Dawan, yang nani daira wali banhwisna watawi daukri ba dukiara, baku sin yang nani damiki nani pâtkira takan ba sin; man mampara saura dauki banhri.

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 2:26

“Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Jirimaya 20:18

¿Dîa muni plauya ba wina bal takri latwan swira lâka briaia baman, bara baku rayaki ba swira lâka ni pura bikan ba baku bâra ban pruaia?

Jirimaya 22:21

Yang bui man ra aisari, man piua yamni bri kapram ba ra, sakuna man walaia apia wiram. Man wahma kapram ba yua wina baku daukisma: ¡yang bîli baikra ba lan mai daukras sa!

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 31:19

Yang lika man wina tnaya ra tawri, nanara yang uba lukisna; saura daukri ba daira walisna bara laima prukisna; swiri tara ai daukisa bara bawan lâka ra sâp ai daukan sa wahma kapri ba saura nani daukri ba mita.’

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 7:19

Sakuna witin nani bui yang ra kau mini prukaia watlika ra, witin nani kau ai mina prukisa bara klauna kau ai swira daukisa. Yang, Dawan, kasak aisisna.

Jirimaya 8:14

Bara upla nani ba aisabia: “¿Dîa dukiara yawan nâra kau takaskisa? ¡Kaisa yawan sut tawan tara nani karna paskan ba ra waia bara bahara sut wan ikbia! Dawan, wan Gâdka mita pruaia ra wan lakan sa bamna; puisin liura diaia wankbia, kan yawan bui witin ai mapara saura daukan ba tâka mita.

Jirimaya 9:18

¡Âu, wis witin nani pat pali balaia bara yawan wan pura mata inbia; wan nakra nani laya man banhbia, inan man wan nakra taya nani sut buswan pali takbia!

Inanka Nani 5:16

Yang nani laila wina kraun kata ba kauhan sa; ¡saura pali sa, yang nani saura yâri ba tâwan!

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Isikiel 2:3

Witin kau ban aisi kan: “Upla luhpia, yang bui Israel luhpia nani ra mai blikisna, baha tawanka bîla walras ba, bara yang maipara buan sa. Witin nani, bara ai almukka nani sut kira maipara buan, naiwa yua kat.

Isikiel 36:32

Yang, Dawan, kasak aisisna: Israel luhpia nani kaiki bas, naha daukisna na man nani baha briaia aitani sma ba mita apia; sakuna swiram brima damra walma daukankam mita aiblakram ba mamrikaia dukiara sika.

Isikiel 44:13

Sip yang duki daukras kabia prîs baku, Dawan lahma aihka sakri ba lamara sin wabiara, Dawan lahma aihka sakri ba. Ai swira lâka twilkaia kabia diara saurakira nani daukan ba tâwan.

Isikiel 7:18

Witin nani sari kwalka ni dimbia; wîna aiska tatatbi kabia bara mawan ba sin pauni takan kabia ai swira mita, bara lal tâwa ba sin kusban kabia.

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Oseas 9:10

Dawan aisisa: “Yang lika Israel wal prawri yua ba, lilia ai daukan, sim upla iwras tasbaya ra wain pâwan kan sakan liliaka baku. Man nani damikam nani ba naikra ra kaiki kapri ba kwah mâ disang baku kan. Sakuna witin nani Baal-peor ra wan piua ra bara kuninkira nani ba gâdka ra tawan. Bara witin nani lika upla bahki pali takan, baha aidulka nani latwan kaiki ba wal baku takan.

Sofonías 1:17

Dawan ba kasak aisisa: “Upla nani ra yang aihni munamna, nakras baku tauki kabia, kan witin nani maipara saura daukan bamna. Upla tâlia ba lî laiwi baku kabia, wîna tara ba daiwan tâskika baku pura-pura paski swin kabia.”

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Wihta Nani 2:2

bamna man nani naha uplika nani naha tasbaya ra iwi ba ra witin nani ai lâka ba wal kupia lâka daukma apia, sakuna ai altarka nani ba slingbi tikma.’ Sakuna man nani bui yang bîli walras, ¡bara nanara kaiks dîa daukram ba!