Jirimaya 3:2 - DAWAN BÎLA AISKA

² Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 3:2 ပူးပေါင်းရင်းမြစ်များ

Blasi Sturka 38:14

Bara witin piarka takan prâka dimi kan ba daikan, bara kwala wala tara kum brih, ai lal pura bikan upla ai mawan kaikbia apia dukiara. Bara yabal ra taki wih, Enaim tawanka ra dimaia yabalka tâ ba kat wih iwi kan, upla aula ba bahak bal lui Timnat ra waia yabalka tâura. Tamar baku daukata, kan witin walan Selá ba pat waitna takan, ban sakuna ai aisika witin wal ai maya baikras kan ba tâwan.

1 King Nani 11:3

Bara ai maya baman 700 bri kan king watla ra, bara tnaya ra ai mairka nani, wibia kaka ai lilika mairin nani ba 300 bri kan; bara naha mairka nani tâka sika witin ai kupia ba Gâd wina tnaya ra lakan kan ba.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

Lawana Nani 106:38

Tala pâtkas sin laikan, ai luhpia waitna nani, luhpia mairin nani tâlia ba sin; witin nani Kenan gâdka nani ra sakripais dauki yan, bara tasbaya ba tala ni tâski daukan.

Sins Lâka 23:28

Âu, witin nani kunin mamunra, upla nina maya dimisa, âimplikra baku; bara daukisa waitna ailal ban tanis tiwaia ba.

Sins Lâka 7:11

mairin kum plaplapra taukisa bara ai kupia sin lukras ai watla ra minit kum sin takaskaia sip apia,

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 3:9

Witin nani ai swira âpu ur taki taukan, kuntrika na aiska tâski daukan. Yang wal wapni apia kan walpa nani ra dus pâwi nani ra mayunan.

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Isikiel 16:16

Man prâmka nani ni il nani ra idan nani ai pura sunaia tintka watla paskan, bara man baha bilara ur takram.

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Luk 16:23

“Pruan nani tasbaya ra waitna yuyakira ba pât tara wahwi kan ba ra, ai nakra bukan ba ra, laih pali ra kaikan Ebraham ba Lasarus wal kata.

Kli Smalkanka 12:2

“Man nani baha uplika nani pura luaia auma ba, witin nani ai gâdka nani ra ai pura sunaia pliska nani bri sut sauhki âpu dauks: il nani ra, kiuhsi nani ra bara dus tara nani distika ra.