Jirimaya 3:16 - DAWAN BÎLA AISKA

¹⁶ Ani yua man nani upla ailal pali kuntrikam ra sauhkma, bara luhpiam nani ailal pali brima ba ra, upla kumi sin kli Dawan lâka auhbaika watla ba dukiara aisabia apia; upla kumi sin bahara luki kabia apia, baha dukiara sin kli kupia krawbia apia; baha sin want apia kabia, raya wala sin paskbia apia. Yang, Dawan, mai wisna.

Jirimaya 3:16 ပူးပေါင်းရင်းမြစ်များ

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Aiseya 61:4

Tawan almuk slingwanka ba, witin nani kli paskbia, utla slingwan bîla man swin nani ba sin, kli paskbia, tawan kutbanka slingwan nani ba sin kli paskbia.

Aiseya 65:17

“Man nani kaiks, yang kasbrika raya nani bara tasba sin raya paskamni, bara almuk kata ba dukiara kli wan kupia kraukbia apia, ba dukiara wan lukanka ra sin kli bal dimbia apia.

Jirimaya 3:17

Baha yua ra Jerusalem ba Dawan iwaika tawanka mâkan kabia; nisan nani sut ba bahara aidrubi kabia yang ra tara ai kulkaia, witin nani kau ban ai lukanka kat ai brinka karna nani ba kat luki tniwi kabia apia.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 31:8

Kli daukamna lalma kuntrika wina balaia bara asla mai daukamna tasba tnata ba kat. Baha nani aikuki balram kabia blain bara skahwa nani ba, mairin kwihra nani babaikra, pat ai luhpia brin nani ba sin; ¡upla ailal kli balan kabia!

Jirimaya 7:4

Baha nani kunin mai muni naku aisi ba ra kasak luki banhpara: ¡Dawan tempelka ba nâra sa, Dawan tempelka ba nâra sa!, aisi ba.

Isikiel 15:5

Âu, dusa aiska kan piua ra diara kumi sin daukaia sip apia kan; ¿nanara aman na ra lika, kau sip kabia ki diara kum ra pan hilp takaia?

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Matiu 1:11

Josías ba Jeconías aisika kata, ai muihni nani aikuki, Israel luhpia nani Babilon ra alki alba lâka ra bri wan piua ra.

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.