Jirimaya 3:15 - DAWAN BÎLA AISKA

¹⁵ Wihta nani yang bîli wali dauki ba yang mita mangki maikamna, bara sins bri lâka ra diara tânka kaiki lâka ni wihtkam aimaki kabia.

Jirimaya 3:15 ပူးပေါင်းရင်းမြစ်များ

Sins Lâka 10:21

Upla kasakkira nani aisanka mita upla ailal yamni smalkisa, taniskira nani ba sins yamni luha ba tâka mita pruisa.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 31:10

“Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

1 Korint 2:6

Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

1 Samuil 13:14

Bamna kingkam lâka ba ban kabia apia. Dawan bui witin yamni kaiki ba lâka kat waitna wala pliki sâkbia, bara ai uplika nani wihtka mangkbia, kan man sika Dawan lâka bîla nani maikan ba walras kapram bamna.