Jirimaya 29:26 - DAWAN BÎLA AISKA

²⁶ Dawan mita prîs kum kaia mai mangkan sa Joiadá watlika ra, man tempel ra pura kakaira nani ba sut pura kaiki kaia. Bara upla kum tanis taki prapit aisi baku aisi kabia kaka, man mita alki mina ba dus unta klauhbanka ra mangki, silak ni awa daukan ba ni priski swima.

Jirimaya 29:26 ပူးပေါင်းရင်းမြစ်များ

2 King Nani 11:15

Sakuna prîs Joiadá bui adar yaban kiaptin nani war lalka nani ra: —¡Upla nani tila wina latara sâks, bara ya uplika witin nina blîkbia ba sut sord ni iks! Kan prîs ba bui win kan Dawan tempelka watla bilara lika ikbia apia,

2 King Nani 11:18

Ningkara baha tasbaika uplika sut ba Baal tempelka ra diman, aidul altarka nani ba sut slingbi sauhki tikan, baku sin daiwan iki angkaia pliska nani ba sut pali kriki yakaban, bara lilka nani kan ba sin sut sauhkan. Bara Matán Baal prîska ba lika nana dakbi ikan daiwan iki angkaia pliska ba kat. Bara prîs Joiadá ba mita aihwawakra kum Dawan tempel ba aihwaki kaia mangkan.

2 King Nani 9:11

Naha diara nani ningkara Jehú ba ai kiaptinka wihtka nani ra wan, bara naha nani bui makabi walan: —¿Dîa trabil? ¿Dîa dukiara naha grisi na man ra balan? Bara witin bui pana win: —Man nani ba kakaira sma bara witin ai daukanka ba sin kakaira sma, nahki ai aisinka natka ba tânka brisma.

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 18:26

Witin nani ra wis, yang adar yabisni waitnika ba silak ra mangki bri kabia, plun uya yabia apia, brit lî wal baman, yang pruras kli tawi balamna ba kat.

Jirimaya 29:27

¿Bara dîa muni, Jirimaya, Anatot wina ba man lâ daukras sma ba, witin bui man nani mamwan kat prapit aisi baku aisi ba?

Jirimaya 38:28

Bara baku Jirimaya aihwawakra watla latka ba ra ban bâra kan Jerusalem waihla nani bal tawanka ba brin yua ba kat.

Jirimaya 38:6

Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Matiu 21:23

Jisas tempel ra diman, bara baha ra smalki kan, prîs wihtka nani bara Ju wihtka almuk nani ai lamara balan, bara witin ra makabi walan: —¿Dîa karnika ni naha dukia nani daukisma? ¿Ya mita naha karnika na maikan?

Mark 3:21

Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.

Jan 10:20

Witin nani ba wina manis aisin: —Witin ba pirit saura kum brisa bara lal saura kaka, ¿dîa muni man nani bui witin ra walisma?

Jan 10:33

Ju nani pana win: —Diara pain nani daukram ba kumi sin tâwan yang nani bui man ra walpa ni mai sabamna apia, sakuna man bui Gâd mapara saura aisisma ba tâwan lika. Man ba upla kum sma, bara trai kaikisma wînam ba Gâd baku takaia.

Jan 8:53

¿Dîa man na wan aisika Ebraham wal kau tara sma ki? Ebraham bara prapit nani sin pruan. ¿Bamna man na ya sma damra walisma ki?

Apastil Nani Sturka 16:24

Silak watla main kakaira baha adarka brin ba ra, Pal bara Silas wal ba silak watla bîla un pali tani kat bri si, mina nani sut dus unta daukan ba ra dingki priskan.

Apastil Nani Sturka 26:11

Aima ailal sin witin nani ra klala yâri, ai kasak lukanka ba swibia wisi. Naha dauki kapri Ju nani priaska watla bani ra. Witin nani mapara sin kupi baiki ban nina bliki rausauhki kapri, plis tringsar nani ra sin.

Apastil Nani Sturka 26:24

Naha diara nani na wal Pal ai tânka param saki aisin ba ra, Festo ai tâ baiki wini, aisin: —¡Pal, man diara uya stadi munram ba mita lamla grisi takan!

Apastil Nani Sturka 26:25

Sakuna Pal bila: —Wihtki tara Festo, yang tanis apia sna, sakuna diara aisisna ba lika kasak sa, bara luki kaikaia sa.

Apastil Nani Sturka 4:1

Pita Jan wal lika kau ban upla nani ra aisi kan ba ra, prîs nani bara tempel main kaiki wihtka ba, bara sadiusi nani sut aikuki aidrubi balan.

Apastil Nani Sturka 5:18

Witin nani apastil nani ba alki silak watla tara ra mangkan.

Apastil Nani Sturka 5:24

Bara prîs tara nani, tempel main kakaira wihtka ba sin naha diara walan ba ra, witin nani aisi kan: —¿Dîa pali apastil nani ra takan ni?

2 Korint 11:33

kuna baha tawanka kutbanka windarka bâk upla mita baskit kum bilara ai mangki ai lahban, bara baku yang baha nani mihta wina swakri.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.