Jirimaya 29:12 - DAWAN BÎLA AISKA

¹² Baha daukamna bara man nani bui yang ra winma, puram sunra yang ra wabia bara yang bui man nani ra walamna.

Jirimaya 29:12 ပူးပေါင်းရင်းမြစ်များ

2 Kronikas 33:13

Ai pura sunan bara Dawan walan ai makabanka ba bara kli Jerusalem ra yan balan, bara Manasés tânka brin ya ba Dawan Gâd sa.

2 Kronikas 6:38

bara witin nani ai kupia aiska, ai sulka aiska lakbia kaka, ai waihla nani tasbaya ra priski brih wan ba wina, ai damika tasbaya nani yaram ba tani ra tawi, naha tawanka man mita bâk sakram na, bara naha watla man ninam ra paskri na tani ra tawi ai pura sunbia kaka,

Job 22:27

Dîa kra makama kaka, witin walbia, bara man mita dîa yaia wiram ba kat daukma.

Lawana Nani 10:17

Dawan, praut âpu nani makabanka ba, man walisma. Man bui witin nani ba tâ baikisma, kiamam mangki walisma.

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Aiseya 30:19

Kasak pali upla nani Saion, Jerusalem ra iwi ba: man kli inma apia; Dawan umpira mai kaiki ba, witin ai kupia pihni man dukiamra bribia; bîlam baikra inanka walbia ba ra, pana man ra aisabia.

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Jirimaya 50:4

Dawan aisisa: “Baha yua ra, Israel bara Juda uplika nani ba yang ra balbia ai Dawanka ai Gâdka ai pliki ini kabia.

Jirimaya 51:50

Man nani upla iki kan tila wina swak takram ba, takaskras plapi bas, kan laihura sma sakuna Dawan ra luki bas; man nani Jerusalem kupiam krauki bas.

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.