Jirimaya 29:1 - DAWAN BÎLA AISKA

^1-2 King Jeconías, ai yapti kwin ba, ai albika nani king watla ra bri kan ba, Juda Jerusalem wihtka nani dus ni diara papaskra kan ba, kî papaskra nani sut ba tasba wala ra wan ba ningkara, prapit Jirimaya Jerusalem wina wauhtaya kum ulbi baha uplika almuk nani ra blikan. Baku sin, prîs nani ra, prapit nani ra bara Nabucodonosor ra sin upla nani Jerusalem wina Babilon ra brih wan nani sut ra sin blikan.

Jirimaya 29:1 ပူးပေါင်းရင်းမြစ်များ

2 King Nani 24:12

Bamna Joaquín Juda kingka ba mapara taki balan, witin, ai yaptika, ai albika nani, ai wihtka tara nani sut aikuki, bara Babilon kingka mita priski banhwan. Naha na Nabucodonosor king aimakan ba wina pat 8 mani bri kan.

2 Kronikas 36:10

Bara mani tara bal diman ba piua ra, king Nabucodonosor mita adar yaban Babilon ra brih wabia, Dawan tempelka ra diara nani yus muni dukia nani kau manakira nani ba wal, bara Sedequías ba Juda bara Jerusalem kingka mangkan, witin Joaquín taika kan ba.

Ester 9:20

Bara Mardoqueo lika naha diara nani ba dukiara wauhtaya ulbi blikan, dîa takan ba king Asuero tasbaya ra, Ju nani iwi kan bani ra, lamara bara laihura iwi kan nani sut ra.

Jirimaya 28:17

Bara prapit Hananías ba baha mani bilara kati 7 alkan bara pruan.

Jirimaya 28:4

Yang sin daukamna Jeconías, Joaquim luhpia waitna ba sin naha pliska ra kli balbia, Juda kingka ba, Juda wina upla wala nani Babilon ra brih wan nani ba sin. Âu, yang Babilon kingka karnika ba krikamna. Yang, Dawan, kasak aisisna.’

Jirimaya 29:20

Man nani, yang bîli ba wals, man nani sut Jerusalem wina mai saki Babilon ra mai blikri ba.’)

Jirimaya 29:8

Yang, Dawan, karnika sut brisna, Israel Gâdka, man nani ra naha maisam pakisna: Dahra aisi nani ba mita bara diara kaiki uplika nani tilamra iwi ba mita swirka kunin mai munbiara; witin nani yaprisauhkan kaiki aisi ba walpara.

Jirimaya 51:61

bara witin Seraías ra win: “Man Babilon ra wama ba ra, aman kaiks, bîla blikan nâra ulban na sut pain pali aisi kaikma, upla nani walaia.

Apastil Nani Sturka 15:23

Bara witin nani baha nani wal wauhkataya kum blikan, bahara naku ulban kan: “Yang nani apastil bara serts tâ uplika nani, bara wan muihni nani sut ba mita, Ju apia nani sma ba ra lakula mai blikisna, muihni nani lâka ra, man nani sut Antíoco ra iwisma ba, Siria ra, Cilicia tasbaya ra sin.

2 Korint 7:8

Wauhkataya ulbatna ba sarkam paskri, kuna baha dukiara nanara sari lika ai daukras. Baha dukiara pat sari ai daukan sa kaka, yang kaikri wauhkataya ba mita piua prahni kum sarkam paskan.

Galesha 6:11

¡Kaiks, yang nanara mihti pali ni man nani ra ulbanka tara ni ulbisna na!

Hibru Nani 13:22

Muihki nani, yang bui man nani ra mamkabisna, kupia kraukanka bîla nani na kupiam takaski kira wali kama, wauhkataya mai ulbri na uya yari apia sa bamna.