Jirimaya 28:4 - DAWAN BÎLA AISKA

⁴ Yang sin daukamna Jeconías, Joaquim luhpia waitna ba sin naha pliska ra kli balbia, Juda kingka ba, Juda wina upla wala nani Babilon ra brih wan nani ba sin. Âu, yang Babilon kingka karnika ba krikamna. Yang, Dawan, kasak aisisna.’

Jirimaya 28:4 ပူးပေါင်းရင်းမြစ်များ

Blasi Sturka 27:40

Man sordkam ni kainam kahbi kama, bara muihkam warkka taki kama; ban sakuna, man karnikam ba brima ba ra, ai karnika puramra mangkan ba wina kriki takma.”,

2 King Nani 24:14

Bara Jerusalem uplika nani ba sut alki, alba lâka ra brih wan, wihta nani wina aiklaklabrika kau pain nani ba sin sut pali alkan, alsut ba ra 10,000 silak ra alki brih wan, ai mihta warkka dadaukra nani bara ayan warkka dadaukra nani sin sut. Kuntri ra upla kumi sin takaskras, sakuna upla kau umpira nani ba lika brih waras kan.

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Jirimaya 13:19

Négueb tawanka nani ba waihla mita kutban sa; upla kumi sin sip bahak luras sa. Juda uplika nani ba tasba wala ra brih wan, upla sut brih wan.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 22:10

Man nani king Josías ra luki inpara, witin pruanka ba pura mata inpara; sakuna kanra yamni kabia man nani ai luhpia waitna Salum mata inaia, witin auya ba wina kli balbia apia; witin bahara aisuban tasbaya ba kli kaikbia apia. Kan Dawan, Salum, Josías luhpia waitna ba dukiara aisisa witin Juda kingka ba, witin ai aisa Debit ningkara iwaika ra iwan ba, naha tasbaya wina taki wan ba: “Kli tawi balbia apia,

Jirimaya 22:24

Dawan ba, Jeconías,, Joaquim Juda kingka ba ra pat win kan: “Yang rayaki ni swer takisna man ra: Man ba mihti aihkika ra sîl mihtadingka baku bâra kama kaka sin, sakuna baha wina mai daikaisna

Jirimaya 24:1

Nabucodonosor, Babilon kingka ba mita Jeconías, Joaquim luhpia waitna Juda kingka ba tasba wala ra brih wan bara witin aikuki Juda wihtka nani ba dus ni diara papaskra nani ba, kî papaskra nani ba sin brih wan kan, baha ningkara Dawan mairikan kwah mâ baskit wâl tempel ba lamara kan kaikri.

Jirimaya 24:5

“Yang, Dawan Israel Gâdka, mai wisna: Kwah mâ pain ba baku Juda uplika nani ra kaikamna, witin nani Caldea uplika nani tasbaya ra blikri ba, naikra ra yamni kaiki kamna,

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 28:10

Baku aisin bara Hananías mita Jirimaya nana wina bîp lal ra wilkaika dusa bri kata ba dakban bara kriki yuya sirpi daukan,

Jirimaya 28:2

—Dawan, karnika sut bri ba, Israel Gâdka ba, aisisa: ‘Babilon kingka karnika ba krikaisna,

Jirimaya 29:1

King Jeconías, ai yapti kwin ba, ai albika nani king watla ra bri kan ba, Juda Jerusalem wihtka nani dus ni diara papaskra kan ba, kî papaskra nani sut ba tasba wala ra wan ba ningkara, prapit Jirimaya Jerusalem wina wauhtaya kum ulbi baha uplika almuk nani ra blikan. Baku sin, prîs nani ra, prapit nani ra bara Nabucodonosor ra sin upla nani Jerusalem wina Babilon ra brih wan nani sut ra sin blikan.

Jirimaya 30:8

Yang, Dawan ba, karnika sut brisna, kasak aisisna: Upliki nani alba lâka ni wilkan ba pri sakamna, witin nani kli tringsar nani albika takbia apia.

Libait Lâka 26:13

Yang sika man nani Dawan Gâdkam, Idsip wina mai sakri ba. Witin nani albika kaia apia, man nani wirha tara twilki kapram ba puram wina yang kalki sakri bara pri mai daukri kainam kat wapi kaia.

Nahum 1:13

Wirhika tara puramra kahban ba, puram wina saki kriki yuya baman daukamna, awa nani ni mai wilkan ba sin dakbamna.”