Jirimaya 28:17 - DAWAN BÎLA AISKA

¹⁷ Bara prapit Hananías ba baha mani bilara kati 7 alkan bara pruan.

Jirimaya 28:17 ပူးပေါင်းရင်းမြစ်များ

2 King Nani 7:20

Bamna rait baku takan, kan tawan uplika nani ba mita tawan dimaika kat taibi ikan.

Jirimaya 23:31

Yang baha dahra aisi nani ba mapara param aisisna sturka ba witin nani yakan luki saki aisisa.

Jirimaya 28:1

Sedequías Juda ra pat mani walhwal king aimaki kan bara baha manka kat matsip, prapit Hananías, Azur luhpia waitna ba, Gabaón tawanka wina, tempel ra wan Jirimaya wal aisaia, prîs nani upla wala nani sut sin bâra wali kan, bara witin Jirimaya ra win:

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Jirimaya 29:1

King Jeconías, ai yapti kwin ba, ai albika nani king watla ra bri kan ba, Juda Jerusalem wihtka nani dus ni diara papaskra kan ba, kî papaskra nani sut ba tasba wala ra wan ba ningkara, prapit Jirimaya Jerusalem wina wauhtaya kum ulbi baha uplika almuk nani ra blikan. Baku sin, prîs nani ra, prapit nani ra bara Nabucodonosor ra sin upla nani Jerusalem wina Babilon ra brih wan nani sut ra sin blikan.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Kli Smalkanka 18:20

Sakuna prapit ra, yang diara wiras kapri nini bri aimayuni aisi ba, apia kaka gâd wala nani nina brih aisi ba, witin ba pruaia pâtka ra lakan kabia.’