Jirimaya 28:15 - DAWAN BÎLA AISKA

¹⁵ Bara Jirimaya bui Hananías ra win: —¡Hananías, wals! Dawan bui man ra mai blikras kan, man bui naha uplika nani ra kunin ra kasak lukaia baman smalkisma.

Jirimaya 28:15 ပူးပေါင်းရင်းမြစ်များ

1 King Nani 22:23

Bara nanara pat nu sma Dawan mita man prapitkam nani bîla ra kunin aisaia piritka nani mangkan sa, bara Dawan ba wilin pali takan sa man puramra pât saura brih balaia.

Jirimaya 20:6

Bara, Pashur, man Babilon ra mai brih wabia tamya nani sut aikuki. Man bahara pruma, bahara sin mai bikbia man uplikam nani ba sut aikuki; man bui witin nani diara dahra ba aisi katma ba.’ ”

Jirimaya 23:21

“Baha prapitka nani ba yang mita blikras, yang sin witin wal aisaras pali, sakuna witin nani plapi taki wan yang nini brih aisaia.

Jirimaya 23:31

Yang baha dahra aisi nani ba mapara param aisisna sturka ba witin nani yakan luki saki aisisa.

Jirimaya 27:15

Dawan kasak aisisa baha nani ba witin mita blikras; Dawan nina ra witin nani kunin aisisa. Bamna witin nani bui man nani ra mai yakabaia dauki ba baku, man nani bara witin nani baha baku mai smalki ba aikuki pruma.”

Jirimaya 28:11

bara upla sut wali kan ba ra aisin: —Dawan naku aisisa: ‘Yang daukri ba baku natka ra, kau mani wâl bilka ra nisan nani sut nana wina Nabucodonosor Babilon kingka mita ai karnika ni paman ba sut sakamna, bara krikamna.’ Bara Jirimaya mahka wan.

Jirimaya 29:23

Witin nani ra baku takbia, kan Israel wina tâski daukaia dukia nani daukan bamna: ai uplika maya nani lâka krikan, yang nini bri kunin manis aisin, baku aisaia wiras katna ba. Yang baha kaikisna, yang ra param sa. Yang, Dawan, kasak aisisna.’ ”

Jirimaya 29:8

Yang, Dawan, karnika sut brisna, Israel Gâdka, man nani ra naha maisam pakisna: Dahra aisi nani ba mita bara diara kaiki uplika nani tilamra iwi ba mita swirka kunin mai munbiara; witin nani yaprisauhkan kaiki aisi ba walpara.

Jirimaya 7:8

‘Man nani sika diara bahki upla kunin aisi bîla nani ba kasak lukisma.

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 13:6

Witin nani diara kaiki ba kunin baman, dahra aisi ba sin kunin. Witin nani wisa Dawan aisi ba yang nani aisisna, sakuna yang, witin nani ba blikras. ¡Baku ban witin nani dîa aisin ba baku takbia bîla kaikisa!

Isikiel 13:9

Yang mihti ba bukamna klala yabaia, prapit nani diara bahki nani kaiki bara kunin man smalki nani mapara; tawanki asla takanka ra âpu kabia; nina sin ulban kabia apia, Israel watla uplika wauhtaika ra, Israel tasbaya ra sin tawbia apia. Bara damra walma yang sika Dawan sna ba.’

Isikiel 22:28

Prapit nani ba diara kasak ba yukukisa, kutbanka pihni dauki baku; diara nani kaikisa wisa, bara dahra aisisa kuna ningkara sut ba kunin man takisa. Yang nini ra aisisa wisa, kasakka ba yang bui witin nani ra wiras.

Sakaraya 13:3

“Bamna upla kum ban dahra aisaia wibia kaka, aisika bara yaptika wal witin ra wibia: ‘¡Man pruaisma, kan Dawan ai bîla dahra aisi ba ninak man kuninkam ba aisaisma ba tâwan!’ ¡Ai aisika, ai yaptika pali mita skiru ni sabia, witin prapit baku aisi kabia ba ra!

Kli Smalkanka 13:6

“Ban kra muihkam, luhpiam nani, mayam lamtwankira, apia kaka pâmnika man wal kau pain ba mita, damra walras tukbi mai dingkbia gâd wala, damikam nani sin kaikras kan ba ra mayunra dauki yabaia,

Kli Smalkanka 18:20

Sakuna prapit ra, yang diara wiras kapri nini bri aimayuni aisi ba, apia kaka gâd wala nani nina brih aisi ba, witin ba pruaia pâtka ra lakan kabia.’