Jirimaya 28:14 - DAWAN BÎLA AISKA

¹⁴ Kan yang, Dawan, karnika sut brisna ba, Israel Gâdka, mai wisna: Nisan nani sut nana ra baha lal ra mangkaika dusa ba ayan ni paski mangkri, witin nani Nabucodonosor Babilon kingka warkka daukaia. Daiwan wail nani sin witin ai karnika bri ba lâka munhtara swiri sa.”

Jirimaya 28:14 ပူးပေါင်းရင်းမြစ်များ

Jirimaya 15:12

“¿Ya sip sa yahbra tani ra ayan bâra ba krikaia, bras ba sin krikaia?

Jirimaya 27:4

Witin nani ra wis kumi bani ai kingka ra wibia yang, Dawan karnika sut brisna, Israel Gâdka, mai wisna:

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 40:4

Bamna kaiks, mihtam silak ni priskan na nanara mahka lanhkuna. Yang wal Babilon ra waia want sma kaka, kaisa; yang main mai kaikamna. Sakuna yang wal waia want apia sma kaka, nâra bas. Tasba aiska man briaia nâra sa: man anira kau yamni kaikisma ba bâra was.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Oseas 10:11

“Efraín ba bîp tiara kum, pat tim takan ba baku kan, plun mâ taya sakaia lihki kan. Nana dusa painkira bara mangkaika dusa ba mangkri wagin ba wina kauhbia dukiara, bara Juda tasba baikaika ba wina kauhbia, Jekob sin baha dusa raski pahbi ba wina kauhbia.

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.