Jirimaya 27:18 - DAWAN BÎLA AISKA

¹⁸ Witin nani ba rait yang mita aisari dahra aisisa kaka, Dawan, yang karnika sut brisna ba, witin nani ba yang ra makabaia kan, yang adar yabaia apia tempel dukia nani Juda kingka watla ra bara Jerusalem ra sin bâra ba Babilon ra brih waia apia kan.’

Jirimaya 27:18 ပူးပေါင်းရင်းမြစ်များ

Blasi Sturka 20:17

Bara baku Ebraham lika Gâd ra ai pura sunan, bara Abimélec wihki maya wâlsut ra sikniska wina rakan; baku sin albika mairin nani sut biara prakan kan ba wina Gâd mita rakan, bara witin nani luhpa baikaia sip kan;

1 King Nani 18:24

Ningkara man nani gâdkam nina mâki wini banhs, bara yang sin Dawan nina mâki winamna, ¡bara ani gâdka pauta bâk ai tânka wan marikbia ba, baha ba rait Gâd kabia! Bara upla nani sut win: —¡Baha ba aitani pali aisaram sa!

1 King Nani 18:26

Bara bîp wainhka yan kan ba wina kum ridi daukan, bara witin nani Baal nina mâki titan wina yu wan lal kat wini kan: “¡Baal, yawan ra aisas!”, sakuna bîla baikra kumi sin âpu kata. Ban sakuna witin nani wapi srutwi kan, altar witin nani paskan ba lamara.

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 18:20

¿Dîa saura ba ni yamni mana ba aibapisa baku sa? ¡Witin nani ba yang ai bikaia tasba salhkan! Kupiam krauki bas yang bui man mampara aisi katna ba witin nani dukiara man ra aisari, mamkabi kapri kupiam baiwanka ra witin nani wina baha sâkma.

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Jirimaya 7:16

“Jirimaya, man naha uplika nani tâwan aisi puram sunpara, tâwan kau ban aisi kapara. Ai taibi ai aisapara, kan yang mai walamna apia bamna.

Isikiel 14:14

Bara naha waitnika yumhpa na wan tilara kan kaka, Noa, Danel bara Job, witin nani yumhpa baman ai kasakka ba mita, ai rayaka nani baman swaki sâkbia. Yang, Dawan, kasak aisisna.

Isikiel 22:30

Yang baha uplika nani tilara plikri, upla kum bâra kabia sapa tawan dukiara luki ba, bara yang ra tawan ba aisabia diara sauhki tikamna apia dukiara; ban kuna yang sakras.

Malaquía 1:9

Gâd ra puram suns man nani ra umpira mai kaikaia dukiara. Ban sakuna, bahmuna prisantkam yabisma kaka, lukpara Gâd ai âuyapah kira man nani ra mai walbia. Karnika sut bri Dawanka ba aisisa:

1 Samuil 12:19

Baku takan ba ra, upla nani sut Samuil ra win: —Dawan Gâdkam ra yang nani albikam nani tâiwan puram suns, bara yang nani pruamna apia; kan saurki nani daukri ba purara kau saurka tara wala pura praki ba sika, yang nani king kum briaia makabri ba.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 7:8

bara Israel luhpia nani Samuil ra makaban: “Yang nani tâiwan puram suni takaskpara, filisteo nani mihta wina Dawan bui yang nani swaki ai sâkbia.”