Jirimaya 27:16 - DAWAN BÎLA AISKA

¹⁶ Yang prîs nani aikuki sin aisari, tawan uplika aikuki sin, bara witin nani ra wîri: “Dawan naku aisisa: ‘Baha prapitka nani naku mai aisi ba bîla walpara, witin nani wisa tempel dukia nani Babilon ra brih wan ba kat pali kli bri balbia. Baha sut aisi ba kunin baman.

Jirimaya 27:16 ပူးပေါင်းရင်းမြစ်များ

2 King Nani 24:13

Baha ningkara Nabucodonosor bui Dawan watla ra diara kukan nani bâra kan ba sut pali sakan, baku sin king watla ba wina, bara Dawan watla ra king Salaman mita diara nani gul ni paski swin kan ba aiska saki sauhki tikan.

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 27:10

Baha witin nani aisi ba kunin, baha wina diara kumi baman man nani saki brima ba lika, tasbayam wina tasba wala ra mai blîkbia, yang bui man nani mai yakabamna bara prui banhma.

Jirimaya 27:14

Baha prapitka nani ra walpara Babilon kingka ra bawaia apia mai smalki ba, baha man nani ra mai wi ba kunin.

Jirimaya 28:3

bara mani wâl bilka ra yang daukrika tempel dukia nani ba sut Nabucodonosor mita Babilon ra brih wan ba kli naha pliska ra bri balbia.

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.